網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月11日 星期四

[壹週刊 1279] 急上岸  36歲廖碧兒法拉前夫相睇 廖碧兒,M1,




相睇飯局食足六粒鐘,二人在凌晨兩點才離開。

探熱針

急上岸  36歲廖碧兒法拉前夫相睇

已經三十六歲的拜金女廖碧兒,一○年背住拍拖六年的陳豪,劈腿李澤楷表弟林忠豪失敗後,前度連環娶妻生子幸福滿瀉,專吼有米男的她,一度被指撻着法國酒莊莊主,可惜情路兜轉始終上唔到岸。

眼見四張快到,廖碧兒開行 turbo,最近獲好友黃長興做媒,安排她跟同樣 dry爆的陳法拉前夫、 NEWAY大少薛世恒相睇。

我都唔想做剩女(設計對白)

黃長興做媒

被發現陪法國酒莊主人遊香港的廖碧兒,事後聲稱不抗拒與外籍人拍拖,一切順其自然發展,但對異地戀不寄予厚望的她,仍經常要求身邊朋友,介紹筍盤。

「 Bernice鬼妹仔性格,有好多外國人都鍾意,佢幾年前都同過鬼佬拍拖,不過拍得唔係咁開心。佢成日同朋友呻好 dry,想搵個好男仔嫁人,叫大家有好嘅就介紹;長興入無綫就識 Bernice,兩個好老友,咁啱大少(薛世恒)近排又周圍同人講話自己回復單身好想拍拖,長興覺得佢哋兩個幾襯,咪試吓做媒人撮合囉。其實 Bernice同大少之前喺一啲聚會見過,但未有機會坐低傾偈了解。」廖碧兒身邊人說。

晚上八點,廖碧兒拎住一袋紅酒到埗。

薛世恒早廖碧兒到達餐廳,同樣攞住一袋紅酒。

媒人兼老闆黃長興陪足成晚,待二人離開才鎖門收工,廖碧兒的女助手亦臨時被急召前來接她走人。

飲到 high爆的薛世恒,臨上車前跟黃長興又攬一輪。

簽字回復單身

去年跟陳法拉分開的薛世恒,今年初被指向何傲芝展開追求,對圈中女仔特別偏愛,更經常開 P廣邀圈中人出席,乘機獵艷。

「大少生日都特登搞咗個 party同圈中人一齊慶祝,其實佢離婚後都試過同圈中女仔拍拖,不過啲女仔頂唔順好快散,事關佢成日喺人前提住法拉,好似放唔低咁。佢話自己就快簽字(離婚),可以名正言順回復單身,所以成日嗌身邊人介紹女朋友。」知情者說。

廖碧兒近年愛上品酒,更預備考專業品酒師牌。

陳法拉跟薛世恒的六年情玩完,對分手一事一直封嘴。

出席好友黃長興女兒的百日宴,廖碧兒表示已答應做 BB女的跳舞老師。

六粒鐘飯局

上週五(九月五日)晚七點半,司機送薛世恒到黃長興位於木星街的法國餐廳,過不久,廖碧兒單拖坐的士到,右手拎 LV手袋,左手攞住袋紅酒的她,邊行邊兩頭望,十分小心。

餐廳有其他客人出入,廖碧兒跟薛世恒被安排坐靠角落位置。食到十一點幾,飲了不少的薛世恒叫司機買寶礦力給她解酒。到餐廳最後一枱食客埋單,廖碧兒和薛世恒依然唔願走,兩人邊傾邊飲,仍在餐廳磨到凌晨兩點多才走人。

已經飲到幾乎行唔到直線的薛世恒未有即時上車,陪住飲到面紅紅的廖碧兒再傾多十分鐘,直至對方助手揸車到,薛世恒才跟媒人黃長興攬攬再上車。

相睇飯局六粒鐘,應該仲有下文。

以為揀林忠豪可以上岸嫁入豪門,點知遇上失匙夾萬,富太夢碎。

難得在香港出席活動,廖碧兒即搏殺格以超 deep V裙搶鏡。

廖碧兒飛甩陳豪後,男方跟陳茵媺結婚兼生埋 B,二人更經常孖住出活動搵真銀。

一二年跟蘇康合作電視劇傳緋聞,對於是否有機會發展,廖碧兒表示「 Never say never」,不過男方就落閘請食檸檬。

廖碧兒返內地發展,由於冇乜知名度,她在劇中多演三、四線角色。

薛世恒跟陳法拉分開不久,曾經跟他傳過緋聞的 Regen由澳洲回歸樂壇。

古老當時興

娛樂圈生活圈子窄,工作又唔定時,圈中女仔就算好彩搵到合適對象,都未必有時間培養雙方感情,唔少剩女唯有靠身邊朋友撮合,參加相睇聚會物色另一半,古老當時興。

胡定欣

胡定欣跟馬國明離離合合,擾攘年多,直至女方在朋友刻意安排下,認識從事廣告的沈柏淳,她才正式放手。拍拖兩年多,胡定欣已將男方視為結婚對象。

官恩娜

自爆跟老外醫生男友是透過 speed dating認識,一餐飯即撻着,女方更不介意男友細她三歲。

鄧萃雯

多年前在加拿大拍戲期間,鄧萃雯經移居當地多時的李婉華做媒,安排她與老外相睇飯局,結果一擊即中,不過一年就散。



鍾意就快D Share啦!