網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月11日 星期四

[壹週刊 1279] 漏夜放番兩女俾阿 Yu 要 Ruby 周永恒催離婚 Ruby,周永恒,劉伊靜,M1,




最新圖片

週一晚(九月八日),周永恒漏夜交女俾阿 Yu。終於見番兩個女,阿 Yu開心攬到實,翌日帶她們到公園玩,兼且補祝大女信希舊曆生日。

探熱針

漏夜放番兩女俾阿 Yu 要 Ruby 周永恒催離婚

打老婆瘟小三,人前扮悔改想挽救婚姻的周永恒,人後卻用 WhatsApp狂轟趙頌茹(阿 Yu),催她搞離婚,變相選擇 Ruby,逼阿 Yu盡快放手。周永恒明知阿 Yu緊張兩個女,不惜恐嚇她:「不要女,(離婚)一個簽名搞掂。要女的話,你光頭都唔掂。」

週一(九月八日)中秋節正日,周永恒帶住兩個女出巡做人渣騷斷正,一直阻攔阿 Yu與兩女見面的他,急急「改劇本」,漏夜帶兩個女去見阿 Yu。自私周永恒,將兩個小朋友當成籌碼,可恥!

短訊疲勞轟炸

賤夫扮深情,惡行爆煲後,周永恒不停向傳媒宣稱和阿 Yu的婚姻尚有挽留餘地,只要一日未離婚,一日尚有機會修補關係,希望兩女不用在單親家庭成長。人前扮想箍煲,背後就「真情」流露,不停以 WhatsApp疲勞轟炸阿 Yu,時氹時兇,甚至要求離婚。

「阿 Roy(周永恒)好離譜,扮 send錯將佢同 Ruby(小三)嘅調情短訊傳咗俾阿 Yu,擺明係想刺激佢;仲不斷催個老婆搞離婚,叫阿 Yu唔好等,快啲放佢走。阿 Roy喺傳媒面前認人渣,寫悔過信,但私下就傳短訊狂寸阿 Yu,真係冇得救!阿 Yu本來已經好傷,而家對佢更加死心。」知情者說。

兇阿 Yu

周永恒人前扮箍煲,私下卻催阿 Yu離婚,更恐嚇她不要爭女兒撫養權。

同 Ruby分手只是煙幕,其實周永恒早已選擇了她, Ruby現更身兼他的經理人。

中秋真人騷

週一(九月八日),周永恒同傳媒夾料,影他跟母親、外婆為大女信希慶祝舊曆生日。

周永恒和 Ruby玩得甚癲,去年萬聖節便扮鬼扮馬,相信今年都會繼續狂歡。

周永恒在 facebook預告會跟阿 Yu上家事法庭,事關他早已決定離婚。

向奶奶求助

急於回復自由,但有關女兒的撫養權,周永恒處處留難阿 Yu。

「阿 Roy同律師樓職員講,唔會爭撫養權,但轉個頭又兇阿 Yu,叫佢唔使諗住攞番兩個女,一時一樣,好難溝通。上個月二十四號發生家暴後,阿 Yu已經十幾日冇見過兩個女,只係靠電話聯絡,佢好想見吓兩個女,但阿 Roy次次都耍佢,又成日跳掣,阿 Yu根本同佢傾唔到兩個女嘅事,但佢對外就話阿 Yu唔理兩個女。阿 Yu有搵奶奶幫忙,不過奶奶唔敢逆個仔意,就話:『離咗婚再講!』之後奶奶甚至連 WhatsApp都 block埋阿 Yu,亦唔肯再聽佢電話,阿 Yu都冇晒辦法。」

在傳媒面前自認人渣的周永恒,現實中卻不斷有小動作,希望他有真心悔改的一天。

Ruby否認是淫照主角,但她和淫照中的女子,同樣在手臂上有癦(紅圈)。

還兩女求自保

不過,因為周永恒借兩個女做大龍鳳,反而錯有錯着,令阿 Yu三母女再聚。

週一(九月八日),是大女信希的生日兼中秋節,阿 Yu在週日(七日)已經聯絡周永恒,希望週一下午可以跟女兒見面,但周永恒卻堅持要安排在週一晚上。

原來周永恒與傳媒夾定,計劃週一下午帶女兒出外買燈籠和慶祝生日,豈料被其他傳媒得悉,他唯有臨急「改劇本」,甚至插阿 Yu要搶女。

由於有傳媒指周永恒為方便箝制阿 Yu,刻意收埋兩個女,為證自己無意做「爭女大龍鳳」,週一他漏夜帶兩女見阿 Yu。

所作所為,全以個人優先考慮,一對女兒在周永恒心目中,可有可無。至於阿 Yu,除積極籌備新居,還開始接 job養女。

有指氹老細有一手的 Ruby,在港視時不但經常跟王維基聯絡,還在兩劇孭重飛力撐。

味之天使「啤梨」張韋怡在 fb踼爆 Ruby貪錢兼鍾意撬牆腳。

上週 Ruby被踢爆以經理人身份,幫周永恒坐地起價。結果人家寧用綠魔 Karl同黃榕,都唔敢要形象插水兼加價的周永恒。

身形並不高䠷,樣貌唔算標青,但 Ruby可在港視劇集《 Night Shift》做女主角。

爆出婚外情後,日前再有讀者踢爆二人於五月時,拖埋狗仔同遊白泥。

睇辦相有 Ruby

整容前(圓圖)的 Ruby,個樣幾嚇人,跟現在的她判若兩人。

為偷食人夫周永恒,不惜同正印阿 Yu扮 friend的小三 Ruby(劉依靜),上週竟然厚顏地借家暴及偷情醜聞幫周永恒「𦧲job」,並坐地起價向主辦單位要求加三倍酬金,毫無羞恥心。亦有人在「睇辦相簿」中,發現有 Ruby的相辦。「千零蚊包三粒鐘,最低消費嗰隻,開工地點多數喺蘭桂坊同銅鑼灣摩頓台幾間私竇。」知情者爆。

有樓收租

本身住公屋收入不多的 Ruby,原來有樓揸手。

「佢做𡃁模收入得雞碎咁多,但都可以買到樓,佢半年前買咗元朗尚悅,都要四百幾萬,層樓應該係用屋企人個名,買嚟收租,佢同阿媽繼續住荃灣公屋。」

同老細直接對話

吞佔人夫,冧老細同樣有一手的 Ruby,去年讀完港視藝訓班,即被老闆王維基「睇中」,被安排在《 Night Shift》和《惡毒老人同盟》兩劇孭重飛,「聽講佢仲可以同老闆直接聯絡。」一名港視人說。

拍《 Night Shift》期間,已不少港視人目睹一名 Benz跑男,經常定時定候接她收工,到將周永恒黐上手後, Ruby由助手變生意拍檔,更迷得對方將一切交她操控,包括婚姻。



鍾意就快D Share啦!