【怪病或致失明】黃浩然妻急澄清：生殖器官冇潰爛
2014-09-16 13:05:00
黃浩然太太家嘉表示老公依家康復中，食得飲得講得，而且只係喉嚨潰瘍同埋眼朦，生殖器官未受影響。 (資料圖片)
無綫力捧小生黃浩然，劇接劇日接日開工，就算開24都試過，捱到金睛火眼，結果捱出個「貝賽特氏症」，入院多時，如今已漸漸康復，但仍需入住隔籬病房，謝絕探訪。(新聞連結: http://bit.ly/1qa3aKS )
由於「貝賽特氏症」情況嚴重者可致血管炎及身體多處潰瘍，亦會引致生殖器官潰瘍，令人擔心。今日有周刊就以黃浩然患病一事作封面，黃浩然太太家嘉(KaKa)並回應周刊記者訪問表示:「佢好番好多喇，已經可以食嘢，飲嘢，講嘢。」對於該病或有機會引致生殖器官潰爛一事，KaKa即澄清謂:「佢只係喉嚨潰瘍同埋眼朦咋!」其實黃浩然所屬公司「中國星」發言人之前都回應過同一問題——即係關於生殖部位潰瘍嘅問題，當時發言人已謂：「係，最差嘅情況先去到咁，但佢康復中。」
報道亦提及，自從黃浩然入院以來，屋企大小事都由KaKa獨力撐起，每朝先帶三歲大仔Kayden返幼稚園，中午接放學，但屋企仲有個一歲小朋友Ransley要照顧。KaKa一個人頂晒，自是身心俱疲，更消瘦不少。為咗頭家，黃浩然要努力快快康復呀！
醫生指，「貝賽特氏症」呢個病，多發於20至40歲壯年人身上，但此病亦頗罕見，據統計，由1978年至2000年間，全香港只有37名成年人患此疾。醫生又指，此症常見病癥係眼睛出現紅膜炎，喺日本同韓國都有患者因此失明，不過佢補充謂若情況不嚴重，經藥物診治後可以完全康復。
|
鍾意就快D Share啦！
|
|
|
