[FACE 382] 「哥哥」騷呃錢欣宜上當 欣宜,MF,

欣宜當晚唱完換埋衫走人嗰陣，先知個騷原來以哥哥之名吸客，即刻一幅馬明天然呆樣。張海報真係陰死人。尤其係中間嗰張大戲相，十足十哥哥喺《霸王別姬》嘅劇照。

全知言

「哥哥」騷呃錢欣宜上當

騙徒手法真係層出不窮，上星期居然有人借哥哥（張國榮）之名去開騷搵錢。

數百觀眾鼓躁，大叫演唱會搞手「回水」及報警。

上週三（ 10日）一個以懷念哥哥名義舉行嘅音樂騷「繼續寵愛哥哥當年情群星音樂會」喺灣仔舉行。全知言都以為係紀念哥哥嘅騷，點知去到就幾乎聽唔到班歌手唱哥哥舊歌乜滯，「歌手」好似陳昭昭、張苡澂等唱其他歌星嘅口水歌。全知言八到就連表演嘉賓之一嘅鄭欣宜都呻被搞手呃咗，雖然佢收足歌酬唱歌，但搞手由頭到尾都係叫佢唱自己歌，並冇提過個騷係要向哥哥致敬。騷後欣宜見觀眾激動，佢先知自己被呃。所以欣宜決定將歌酬全數捐去香港癌症基金人會。不義之財唔賺，欣宜抵讚。

陳飛龍間表演學院 11年開幕酒會，有狄龍大哥捧場，全知言上過去表演學院報稱的旺角好景大廈地址，發現只係一間貿易公司，更加冇人應門。

宣傳海報話嘅「神秘哥哥」就係呢位香港表演學校校長陳飛龍。全知言 check過呢位「神秘哥哥」，香港表演學院嘅唯一註冊股東叫陳廣生，住址登記喺中山，連日來全知言致電神秘哥哥均沒人接聽。

鍾意就快D Share啦！

下一篇 》