[FACE 382] 回帶 '90性感女神拒復出 關秀媚： DaDa、 Chrissie努力啲 DaDa,周秀娜,Chrissie,關秀媚,BKD_S,陳靜,MF,

87年選港姐入行，入行前為舞蹈教師。喺無綫發展平平，但喺電影圈就發展利順利，更成為 90年代性感女神。圖片

全知言

回帶　'90性感女神拒復出　關秀媚： DaDa、 Chrissie努力啲

上週二（ 9日）噶舉大祈願法會，除咗有王菲、偉仔、關之琳外，仲有好耐冇見嘅 90年代性感女神關秀媚到場支持。今年 48歲嘅關秀媚雖然已退出娛樂圈，收起性感，但身材完全冇走樣，而且仲好有女人味。當晚佢更做義工招呼一眾星級嘉賓。

其他影片：>>48歲女神關秀媚： DaDa、 Chrissie努力啲

90後可能唔係好識關秀媚，查實佢喺 90年代被王晶力捧，成為多套王晶電影女一，無論係《每天愛妳 8小時》嘅清純小艾，或《強姦終極篇之最後羔羊》嘅性感野貓，到𠵱家都仲有唔少巴打係佢粉絲。不過關秀媚就唔依戀娛圈，「我從來唔覺得自己係女神，角色嚟到就做咩。」雖然成為性感女神，但關秀媚就同全知言講當時原來有啲唔開心，「當時自己嘅智慧可能比較低啲，我其實唔想着咁低胸㗎，但導演要我着呀。裏面係有啲掙扎㗎，但𠵱家會覺得其實我係演緊一個角色啫。」關秀媚更叫𠵱家兩位女神 DaDa（陳靜）同 Chrissie（周秀娜）努力啲，不過佢就冇諗過復出，「 06年開始就突然間唔想做呢行。冇諗過復出，慈善就係我工作。（咁賺錢嗰啲呢？）我好足夠。」

同錢嘉樂有過一段情，再見仲係朋友。

同男友李尚文感情穩定，二人由 06年開始拍拖。李上週亦有陪女友出席噶舉大祈願法會。問到幾時結婚，關秀媚：「呢個係我私人問題。」

'99《強姦終極之最後羔羊》

關秀媚為女一，片中有唔少大膽演出，呢一幕只用雙手遮胸，成為經典。

'95《賊王》

關秀媚同任達華有唔少床戲，呢一幕泳池「浮波」到𠵱家都有唔少巴打翻睇。

'99《千王之王 2000》

關秀媚曾經係晶女郎之一， 90年代中至尾王晶幾乎每部戲都有佢份。當年拍《千王之王 2000》，關秀媚同星爺、吳君如及張家輝都有唔少對手戲。

問關秀媚對當年被叫晶女郎有咩感覺，佢話：「都係一個稱號啫，我哋𠵱家都係朋友。」

鍾意就快D Share啦！

下一篇 》