Ella抹淚自爆右邊面癱
官恩娜（Ella）憑靚樣及甜笑深得宅男歡心，靠樣搵食的她昨日出席活動時，罕有地零笑容兼滿懷心事，更喊晒口自爆右邊面癱！Ella除面腫腫兼發不到音外，夜晚瞓覺更要用手術膠紙黐眼方可入睡，更需服高劑量類固醇治療，情況令人擔心！
Ella含淚自爆第七條神經線受感染，以致右邊面癱！
今
歪嘴
十分愛笑的Ella現在笑唔出，認真我見猶憐！
昔
笑唔停
貴為宅男女神的Ella靠靚樣搵食，起初以為自己中風即嚇破膽！
Fiona（右）試過耳水不平衡和左耳突然失聰，與Ella同樣因工作捱出病！
Ella獲男友悉心照料和陪她覆診。
現年35歲的歌手Ella以甜美笑容及靚樣「搵食」，迷倒不少宅男而被封女神！想不到女神風光背後，原來有苦自己知，工作繁重的她，身體終於響起警號！她昨日與薛凱琪（Fiona）出席Max & Co.概念店開幕活動時，全程笑容欠奉，看似滿懷心事兼強忍淚水，只是在影相時才強顏歡笑。
Ella被問到是否有心事時，她自爆右邊面癱，更擔心得哭成淚人，指現時正接受治療：「我右邊面郁唔到，眨唔到眼，已經睇咗腦科。I'm OK，因為啲閃光燈閃得好勁，同埋眨唔到眼，所以流眼水！」並稱正接受高劑量的類固醇治療，所以令面部浮腫：「初時以為中風，自己都好驚！（點發現？）上星期有日我瞓醒起身飲水，啖水含唔住漏出嚟，去睇腦科，話係第七條神經線受感染，右邊面郁唔到。其實之前冇咁勁，依家要用人工眼水，好尷尬笑唔到！自己本身都好鍾意笑，依家笑唔出好慘！」
Ella又稱嚴重的程度是連眼都不能合埋，故瞓覺時要黐手術膠紙幫助入睡：「瞓覺要黐手術膠紙瞓，男友都有嚟照顧我。雖然呢個唔係話會致命嘅問題，但做呢行我靠塊面搵食，郁唔到好得人驚，好黐線！」
自言十分擔心的Ella，受訪期間不時要助手遞上紙巾，抹乾眼淚才繼續，認真我見猶憐！她坦言因服食藥物令面部腫脹，故有些詞語不能發音：「雖然食類固醇會令把聲好好，但要合埋嘴唇先發到音嘅字，好似個『P』字，我就講唔到，真係好擔心！醫生叫我抖吓，問我係咪休息唔夠，可能我之前感冒發燒。（幾時會好番？）醫生話有啲人一個月會郁得番，三至六個月就會好番。」雖然受面癱困擾，但Ella坦言會繼續工作，待手頭上工作完成後才休息，其男友亦會陪伴她覆診。
Fiona耳水不平衡突失聰
同場的Fiona表示來到現場才得知Ella面癱，未有時間問候對方，問到有否曾因生病而嚇到喊？她笑言太多：「之前抑鬱，又試過耳水不平衡要拍拍吓戲瞓喺地度！做騷拍戲錄音三樣一齊，左耳突然失聰，但照過腦話冇問題，可能係攰得滯！」她又乘機向公司「投訴」，指公司拒絕她的放假申請：「好感恩公司畀我做咁多音樂，惟有放多啲錢喺補品上。（叫Paco請去旅行？）佢同大老闆講話新年公司有500蚊勤工獎，要畀夠600蚊我。」
Ella含淚自爆第七條神經線受感染，以致右邊面癱！
今
歪嘴
十分愛笑的Ella現在笑唔出，認真我見猶憐！
昔
笑唔停
貴為宅男女神的Ella靠靚樣搵食，起初以為自己中風即嚇破膽！
Fiona（右）試過耳水不平衡和左耳突然失聰，與Ella同樣因工作捱出病！
Ella獲男友悉心照料和陪她覆診。
|
鍾意就快D Share啦！
|
|
|
