韓飯台
韓女愛作戰
韓國成年男人需要義務服兵役 2年，但原來在韓國只要你願意，女性一樣可以當軍人。
現時，韓國約有 1萬多名現役女兵，不過，唔好以為女人服兵役會比男人輕鬆，少啲體力都辛苦到喊。 Girl's Day的惠利、 G.NA及曾出演《 IRIS》的金素妍等 6名女星與 1名運動員朴勝羲最近出演 MBC的綜藝節目《真正的男人—女軍特輯》，為了成為真正的女軍人進入軍隊訓練。一入軍營公開真實體重同素顏只係基本常識，被罵、被罰、爬泥地甚至入生化房，真係足以令這班索女眼淚鼻涕齊齊流。
好彩港女唔使當兵啫。
《真正的男人—女軍特輯》
播映日期：逢星期日
集數：暫定 5集
電視台： MBC
1.女性服兵役第一樣要學嘅嘢係咩？
踏入軍營第一樣要學嘅嘢就係唔可以當自己係女人，要當正自己係男軍人，如果唔係就會好似笑星孟勝智咁被鬧到喊。孟勝智被罰做 20下掌上壓，同上級講想以半跪的姿勢做掌上壓，仲駁嘴話：「本來女人就喺半跪地做掌上壓！」後果可想而之，不但 20下全身掌上壓要做足，仲被長官鬧：「你是來這裏當軍人，不是女人。」
孟勝智喊到上氣唔接下氣都冇用，喺軍營裡面，梗記要諗清楚先好講嘢喇。
2.女人天生愛靚，服兵役期間有冇得搽下 bb Cream化下妝先？
話咗唔可以當自己女人，又點可以化妝呢？不過，冇得搽 bb Cream，唔代表冇其他嘢可以搽嘅。沖完涼你都可以拍 D爽膚水，基於訓練需要，即使你唔想你都要將自己塊臉化成「黑臉神」咁㗎！
G.NA入軍營之前，明明仲化到好靚，點知一入營第一件事就係要落妝，之後仲因為訓練需要畫到塊臉黑晒，唔講都唔知呢位阿姑係性感女神 G.NA。
3.點解 Girl's Day的惠利喊晒口？
Girl's Day的惠利拍《真正的男人—女軍特輯》都算好捱得，訓練幾辛苦都好，都識得笑。但係無論佢幾堅強，佢其實都只係 20歲的少女，打返屋企一聽到媽媽把聲就即刻忍唔住喊咗出嚟，仲同媽媽講：「怎麼辦，像要死一樣，我好想食你煮的飯」，睇到都 sad。
Girl's Day的惠利講到自己當了藝人後，感情變得遲鈍了，但是拍《真正的男人—女軍特輯》時，感受到新的情感，所以喊咗好耐。
4.男、女軍人最驚的一項訓練係咩？
軍營裡最可怕的訓練係生化房！生化房內充滿生化氣體，吸入一小口都會讓眼睛睜不開、頭痛、難以呼吸、眼淚口水鼻涕齊齊流。沒有戴好防毒面罩的 G.NA和 Girl's Day的惠利就因呼吸困難而中途逃出了生化房。
G.NA逃出生化房後，披頭散髮、腳步不穩、不斷喘氣、眼淚一直在眼框打轉。
5.《真正的男人—女軍特輯》表現最突出係邊個？
Girl's Day惠利的體能出乎意料的好，竟然比得上是運動選手的另一位演出者朴勝羲。 Sit-up 1分鐘做了 55下、做掌上壓時更勝做了 1分鐘做了 23下的朴勝羲，做了 26下的惠利得第 1名。睇落瘦弱的惠利令其他演出者都大嚇一驚啊！
惠利不但體能好，仲好食得！唔知係咪體力消耗大，胃口都大啲呢？
|
鍾意就快D Share啦！
|
|
|
