【新鮮娛頭】楊采妮化身「惡女人」 樊少皇避談與賈曉晨情變
2014-10-28 07:30:00
(攝影:陳志嵐)
楊采妮﹑白冰及樊少皇等，噚晚出席九展舉行嘅《一個人的武林》首映禮。采妮被問到拍該戲是否好辛苦？佢笑指子丹要求高，又話今次演呢個角色，係好惡角色，亦係從影以來最惡角色；「我成日對住王寶強，見親佢都係用槍指住佢，見子丹都係鬧子丹，三個喺戲中好冇禮貌，但戲外就好好嘅，下次想同王寶強拍笑片，係一個挑戰。」
問到會否與老公邱韶智入場睇？采妮表示：「今（昨）日首映禮，所以忍住唔睇，31號喺新加坡同先生睇正場。」問到采妮本身惡唔惡？佢話：「我唔係鬧人解決方法嘅人。（先生有冇見惡一面？）唔知喎，不過今次喺戲中就會見到。（期望先生見到後有乜反應？）畀佢知道我有犀利一面。」
至於戲中白冰飾演甄子丹師妹，兩人有感情戲，白冰亦與王寶強有對打戲，惟拍戲時曾受傷，腳踭有骨裂。咁白冰老公有冇心痛？采妮就代答：「我同佢（白冰）拍戲大家未結婚，拍完後大家結咗，佢仲有小朋友，套戲好旺結婚。」
另外，有傳樊少皇與女友賈曉晨（JJ）分手，噚晚甫見傳媒避談此事，不斷耍手擰頭迴避，又話只講電影，佢話：「特登橫店返落嚟，明（今）早趕返去同陳浩民拍戲。」會否忽略感情？「唔會。」
楊采妮新戲要做惡女人
樊少皇避談同女友賈曉晨分手嘅傳聞。
|
鍾意就快D Share啦！
|
|
|