[壹週刊 - 1290] 洗米華吉隆坡送大屋 Mandy Lieu富貴還鄉 洗米華,Mandy Lieu,Mandy,劉碧麗,M1,

探熱針

洗米華吉隆坡送大屋　 Mandy Lieu富貴還鄉

搭上澳門賭業猛人、太陽娛樂文化老闆洗米華（周焯華）後， Mandy Lieu忽然富貴。一炮過付清西半山一億豪宅後，得寵的她想再下一城於澳門置業，方便密會男友。澳門行宮未搞掂，但據知遠在大馬的娘家亦受惠，周焯華愛屋及烏，贈送吉隆坡獨立屋，讓極得寵的 Mandy Lieu安頓家人。

一個富貴，全家受惠，家境普通的 Mandy Lieu，在大馬的公立學校中學畢業後便來港發展，如今陪賭陪玩做肉墊有價，富貴還鄉！

三層高獨立屋

陪男友豪賭百家樂， Mandy Lieu化身人肉坐墊，讓對方坐大髀，據知，當晚贏過千萬的周焯華，開心到當眾叫她做「老婆」。

事實上， Mandy Lieu得寵度的確不斷上升，周焯華甚至愛屋及烏，在吉隆坡買下獨立屋，安置 Mandy Lieu的家人。

「 Mandy舊年仲話冇錢買樓，但今年年頭就突然喺大馬買咗間三層高獨立屋，話俾屋企人住，聽聞佢細佬全家已經搬咗入去。 Mandy好錫細佬同個歲幾嘅姪仔，今年十一月佢返咗大馬一次，買咗好多禮物俾姪仔。小朋友學緊講嘢，投訴姑媽少返去探佢，仲鬧 Mandy係衰姑媽，好搞笑。」知情

者說。

早前 Mandy Lieu陪洗米華豪賭百家樂，悉心打扮露出半球的她甘做人肉坐墊，陪賭陪笑，對洗米華千依百順。

Mandy Lieu早前購入價值一億的西半山珒然，本來只付了 5%首期，尾數八千多萬一炮過在十一月五日付清。

Mandy Lieu十分愛錫姪仔，十一月特別返大馬探他。

擔心治安差

為保護家人，入行以來， Mandy人前人後甚少提及家庭狀況，只稱父親是美國人、媽咪是大馬華僑。如今富貴，更加口密。

「 Mandy好想多啲返大馬，但佢個契媽話大馬治安唔好，叫佢留番喺香港；舊年 Mandy有個同學個姐夫俾人綁架，尤其佢而家泊咗個大碼頭又咁富貴，都擔心太高調會成為目標好危險，所以都係謹慎啲好。」知情者說。

早前洗米華帶 Mandy Lieu到美國傾生意，因她英文流利又樣靚身材正，令他好有面子。

洗米華和 Mandy Lieu平均一星期見三日，早前本刊拍到二人撐枱腳後，雙雙返回男方位於九龍站的豪宅。

Mandy Lieu一向深受大品牌歡迎，上月她便和許志安出席時裝活動，但有傳自陪賭片段曝光後，令客戶卻步。

在洗米華面前， Mandy Lieu永遠笑面迎人，更大讚對方教懂她很多東西。

洗米華為氹番老婆，十一月初豪花五百萬請她和一班好友歐遊，為她慶祝三十四歲生辰，更狂送三千萬鑽飾補鑊。

窮 model

廿九歲的 Mandy Lieu能操粵語、普通話、馬來西亞、英、日語，被男友洗米華大讚有文化。家境一般的她在大馬怡保出生，八歲隨家人移居吉隆坡，因為家境問題，有段時間跟契媽生活，雖然如此，但 Mandy媽仍努力栽培，讓她學鋼琴和芭蕾舞。

求學時期一直讀公立學校，十六歲開始做 model賺零用，直到中學畢業即轉做全職， 03年來港發展。離鄉別井， Mandy自爆為慳錢，香港屋企初期連枱都冇一張。

鍾意就快D Share啦！

下一篇 》