[FACE - 396] 陳伶俐聖誕做慈母 MF,

全知言

陳伶俐聖誕做慈母

雖然陳伶俐已經改嫁富商劉頌銘變咗劉太，但另一身份仍然係跟林敏驄所生的兩子之母，對同前夫林敏驄所生的兩個仔依然錫到燶。

上週四（ 18日）就見陳伶俐同細仔林善一齊買聖誕禮物，即使大仔林肯唔在場，不過兩母子都夠溫馨。去完豐澤買電器，再去埋時代廣場揀禮物。雖然只係買兩個百零蚊嘅枕頭，不過小朋友好簡單，有媽咪陪行街買嘢就已經心滿意足喇！

轉眼間林善已經 10歲，肥嘟嘟好可愛，不過陳伶俐都好關心個仔，全程同個仔傾唔停，真係好媽咪嚟㗎。

陳伶俐雖然已改嫁，亦不時陪囝囝，但林敏驄同兩個仔亦非常乖，成日跟住老豆去踢波。

陳伶俐 12年改嫁富商劉頌銘，今年 7月為劉家誕下一名兒子。

鍾意就快D Share啦！

下一篇 》