熱爆娛樂: [忽然1周 - 1014] 遭嫩口教友狠飛　 48歲鄧萃雯抑鬱停工鄧萃雯,MW,

2015年1月2日星期五

[忽然1周 - 1014] 遭嫩口教友狠飛　 48歲鄧萃雯抑鬱停工鄧萃雯,MW,

14年肥美： 135磅

相隔年半時間，日前記者發現鄧萃雯和友人遊淺水灣時，身形似吹脹般，即使着鬆身 T恤，腰間腩肉依然無所遁形。由於發福不少，就連上圍亦明顯升級。

打頭陣

遭嫩口教友狠飛　 48歲鄧萃雯抑鬱停工

連續兩年奪得視后的鄧萃雯，前年在大台拍《金枝慾孽貳》時，疑不堪壓力，一度患上情緒病。一直在家休養。

原本鄧萃雯的情緒病逐漸康復，可惜好景不常，去年初鄧在銅鑼灣教會暗撻比自己年輕 10載的男教友。二人秘戀半年後情變，近日她疑因情傷導致抑鬱暴肥，更遑論有心情開工。日前記者發現脹了兩個碼的鄧萃雯，在書局買了兩本關於抗抑鬱的書籍，看來她在尋求方法自救。

其他影片：>>抦埋半年鄧萃雯　驚現發福兼脫髮

13年 fit爆： 105磅

鄧萃雯 13年 3月出席活動時，身形和樣貌都 keep到，絕不似 47歲之齡。

鄧萃雯 2013年拍完《金枝貳》後便離開大台，其間只拍過兩部內地劇《風雷急》及《武則天》，之後一直處於長休狀態。鄧突然煞停幕前工作，全因拍《金枝貳》時，因壓力過大，面及頸部位置生滿紅疹，情緒變得煩躁不安，最後證實患上自主神經失調要停工。

男教友黐車撻着

據知已有多年冇拖拍的她在港攤唞期間，比以往更頻密返銅鑼灣同福堂教會，令她遇上比自己年輕 10載的嫩男教友 Y先生。

「雯女同 Y先生簡直係一見鍾情， Y先生本來係返另一個教會嘅，不過有次貪得意『轉會』，點知就識咗雯女。每次上完崇拜都一齊食嘢，跟住 Y先生成日借頭借路話黐雯女車，後來佢哋仲撇甩大隊自己去街。總之嗰排見雯女春風滿面，笑容多咗好多。」一教友透露：「其實雯女一向對感情事好認真，但之前遇親都冇個好，搞到佢呢幾年唔敢拍拖，又唔出席我哋啲 gathering。睇到報道話佢有情緒病，我哋都擔心佢，打電話佢又唔聽。直至佢自己肯返嚟崇拜，我哋先放心，見到佢同 Y先生好好，好戥佢開心。」

可是，鄧萃雯和嫩男剛萌芽的戀情，卻因女方太過黐身和有主見，漸生摩擦。據知，去年 5月 Y先生向鄧萃雯提出分手，更迅速轉教會，半年姊弟戀閃電玩完，令鄧再受打擊。

收腹迴避

發現記者影相，鄧萃雯隨即緊張走向停車場取車，還即時收腹，但沒有化妝的她，容顏卻顯得憔悴。

髮線向上

除了身形走樣，鄧萃雯的髮線亦有上移趨勢，輕輕一撥，已露出大個額頭。

教會打躉

鄧萃雯是虔誠基督徒，每星期都會返銅鑼灣同福堂聽道。她去年初邂逅一個細她接近十年的男教友，可惜戀情只維持半年，未能成功開花結果。

孤僻零溝通

再度受情傷的鄧萃雯，近半年不單止零工作，更經常屈在家中，只偶爾返教會，但每次崇拜完都是第一個步出教會，鮮有與其他教友溝通。知情人透露：「近呢幾個月，雯女返親教會都變得好靜，次次坐最後排。牧師問佢有冇分享，佢都話冇。平時同佢傾到偈嘅教友，見佢無厘心機，試過約佢崇拜之後去食飯，佢都話有事唔去。」

鄧萃雯除了返教會，其餘時間都留在馬鞍山帝琴灣寓所足不出戶，幾乎每次出街都是「獨行俠」。

獨來獨往

記者連日採訪，發現鄧萃雯每次外出購物或返教會都喜歡自己一個人，甚少約友人外出。

睇書自救

鄧萃雯日前出席活動時，坦言自己有人多恐懼症，現正上改善 EQ（情緒智商）的課堂。上月初，本刊便發現她到書店購買了兩本關於治療抑鬱心靈書籍，實行睇書自救。

脫髮現三節腩

上月初，鄧萃雯終於約了一位女性友人到淺水灣散心。記者現場所見，戴 cap帽兼全素顏的她，無論上圍或下圍都脹了兩個碼，腰間更現三節肥腩，相比去年未夠 110磅的身形，體重似暴脹近 20多磅。當她不經意除去 cap帽時，記者發現其頭頂頭髮甚稀薄，更有髮線後移的跡象，脫髮問題嚴重。其間見她不時手舞足蹈跟友人傾談，似有不少話題，但她鮮有展露笑容。

數日後，架上墨鏡的她驅車獨自到佐敦吳松街一相熟書店閒逛。記者見她蹓躂了很久，其間一直徘徊在擺放關於心靈治療的書架附近。最後她買了兩本《你可以完全不憂鬱》及《九型性格與內在傷痛》，這兩本不約而同都是關於治療情緒病的書籍。

上月初鄧萃雯出席教友舉辦的童裝活動時，曾透露今年的工作量再會減少，近日更報讀一個學習 EQ課程，當時她更坦承患有人多恐懼症。「我好怕見人，從前我係唔出席聚會嘅，去婚宴都驚，人多恐懼，就連台慶都害怕，個人好內向。」

鄧萃雯當日所買的《你可以完全不憂鬱》，台灣作者著作。書的內容是指抑鬱就像情緒出現感冒徵狀一樣，只要吃藥就會痊癒，同時教導患者應勇敢面對困難，不要逃避。

此書利用多個個案探討九型性格的心靈輔導個案，啟發心理輔導與心靈治療。

反口唔認情緒病

日前，記者向她求證健康狀況及抑鬱復發一事，她反應甚大：「我冇話過自己抑鬱喎！報道講唔可信！（當時係你自己講㗎噃！）」其時她突然反口指周邊人都有抑鬱，情緒十分反覆：「其實每 4個人就有 1個有呢個病，點解我願意攞自己啲驚恐事出嚟講，係因為香港人太多有呢個問題，但唔敢正視，如果我作為公眾人物都肯出嚟講咁會好啲。（你係咪讀緊 EQ課程打算幫自己？）想幫自己亦想幫人，因為原來同人講嘢要好小心，想學習輔導人。（咁你依家長期休息係咪因為個病？）自從壓力爆煲後覺得應該錫自己多啲，捱咗廿幾年，好多嘢咁耐積積埋埋，人生唔應該喺度捱同拼命，依家養精蓄銳休養生息，每個香港人用健康交換工作、交換金錢。」當記者表示知道她之前跟一位男教友拍拖，鄧似笑非笑，沒有否認：「上帝早有預備。（係咪散咗所以令到你唔開心？）上帝早有預備。」說罷便匆匆離開。