掃呢頁CODE去手機

2015年1月9日 星期五

[忽然1周 - 1015] 洗米華下令匿埋安胎  Mandy Lieu秘住星洲總統套房 洗米華,Mandy Lieu,Mandy,劉碧麗,MW,




匿埋養胎

據知 Mandy Lieu現在母憑女貴,被安排由大馬娘家飛去新加坡養胎,而洗米華亦在除夕前飛到當地陪她。

滾熱辣

洗米華下令匿埋安胎  Mandy Lieu秘住星洲總統套房

自 Mandy Lieu搭上澳門賭業猛人周焯華(洗米華),兼與正印 Heidi陳慧玲同時懷有 4個月華種後,兩女隔空過招每日新鮮,追少日都唔知劇情講到邊。

本刊收到最新消息,踏入 2015年洗米華下令 Mandy Lieu潛水安胎,秘密入住新加坡六星酒店 Raffles的總統套房,派人 24小時貼身保護,小三雖唔見得光,但待遇依舊超然。另一邊正印洗米嫂繼續日日晒命,日前她獲贈一部 280萬限量版開篷跑車,還透過秘書回覆本刊記者:「依家生活非常開心,要專心養胎!」

呢個世界有錢真係可以使得鬼推磨,之不過洗米華人就只得一個,幾個月後兩個華 B雙雙出世時,唔知洗米華又點樣分身呢?

洗米華身家超過 50億,有錢有地位,除了小三 Mandy Lieu外,近日更陸續被揭舊情史。為安撫佗住周家慈姑椗的正印陳慧玲( Heidi),他不斷施冧招𠱁老婆,先送千萬鑽飾加包團外遊,日前又送瑪莎拉蒂最新 100周年彩藍色限量跑車,完全顧及老婆愛面子的性格。

跟得女友

去年 9月, Mandy Lieu被拍到做跟得女友,坐頭等陪洗米華飛紐約公幹,二人更明目張膽現身香港機場,可見明知做小三, Mandy都甘心情願。

最後在港露面

去年 12月 16日,正印 Heidi拖住老公洗米華出席公開活動,同日 Mandy拖喼去養和高調睇急症,仲掩口作嘔,之後便盛傳她佗女 4個月。

《蘋果日報》圖片

坐私人飛機去星洲

洗米嫂即時在 facebook大晒老公送的新年禮物,在開篷辣跑上舉晒 V字勝利手勢狂影相,高調宣示主權。雖然聖誕節全家去泰國外遊,但洗米華最後卻沒有跟大隊返回澳門,並偷偷飛去新加坡密會 Mandy Lieu。據知早前返回大馬娘家的 Mandy Lieu,上周被安排坐私人飛機到新加坡靜養安胎,更以包月形式入住當地的六星級酒店 Raffles的總統套房。

據知情人士透露:「以 Mandy好勝嘅性格,又點會坐定定粒聲都唔出吖!其實係洗米華落令叫佢去新加坡安胎,話係為佢嘅 BB着想,同埋可以避開啲傳媒。洗米華包咗間總統套房成個月,呢間酒店佢哋早兩個月都住過, Mandy話好鍾意嗰度嘅環境。上個月 29號洗米華過咗去為 Mandy打點一切,話點都要陪番佢兩個星期,仲搵保鑣 24小時貼身保護。 Mandy依家泊到個咁好嘅碼頭,忍幾個月啫,所以佢都好配合,唔敢再出嚟講嘢!依家同正印鬥?梗係鬥唔過」佗住 4個多月華 B的 Mandy Lieu自「潛水」後,連其經理人公司都沒有她的最新消息,早前她投資的模特兒公司搞聖誕派對,她都不聞不問。

6星酒店安胎

Raffles Singapore位於新加坡海灘路 1號,是一座富麗堂皇、過百年歷史的酒店,也是國際知名的地標性建築。該酒店的住客非富則貴,而且保安森嚴,私隱度極高。

60萬包總統套房

據知 Mandy Lieu入住的總統套房每晚為港幣$24,000,洗米華包了一個月房租讓她靜養安胎,獲折扣後都要 60萬元。本刊記者曾致電該酒店,但沒有 Mandy Lieu的住客紀錄,相信是洗米華另外搵人作登記。

正印:唔係佗孖胎

高調出巡

正印 Heidi陳慧玲懷有華種後,肚凸凸與老公洗米華恩愛現身,還被影到來港豪掃 BB用品。

《蘋果日報》圖片

為享齊人之福,洗米華一邊努力收埋小三,一邊送禮𠱁老婆,呢招果然厲害。就日前洗米華以傾生意為由離隊,由泰國坐私人飛機到新加坡會 Mandy,本刊聯絡洗米嫂 Heidi,她透過秘書回覆:「華哥嗰日點解早走?佢去新加坡係因為約咗班老闆傾生意,所以嗰啲報道唔係事實。( Heidi近況如何?)佢生活非常開心,依家要專心養胎。(有傳係孖 B?)唔係佗孖 B!大家諗多咗,可能張相令大家誤會啦。仔定女就唔方便講喇!」

平時最愛四圍飛的 Heidi,據秘書所講未來幾個月都沒有外遊計劃,避免舟車勞頓。就算之前新跑車落地,她都只不過是在車上留影,沒有親自試車,怕動到胎氣。看來 Heidi與 Mandy Lieu目前最重要的任務是佗好華種,待 BB出世後再鬥過。

正印日日有嘢晒

聖誕節有老公陪的 Heidi,日日都 post相上 fb晒命,發表的言論仲句句有骨,阿嫂果然不是省油的燈。

無謂人隨它完

自殺出小三 Mandy Lieu後, Heidi的 fb更新得很快,她不時用文字抒發情感,除夕當日她寫了對 2014的回顧,仲話「無謂的人與事亦隨它完吧!」

晒跑車

洗米華送俾老婆的限量版瑪莎拉蒂跑車,足足等了 8個月先到,仲要係全澳門只此一架,難怪 Heidi急不及待要影相晒命

印證地位不變

Heidi於周三( 7日)上載了好友送來的喜餅照片,大大張喜帖寫上「周焯華伉儷」,擺明話俾小三知名份呢家嘢,唔係大肚就有囉!

文字反擊

有指洗米華在泰國之旅與老婆 Heidi全程冇乜兩句,亦沒拖手過馬路,洗米華更於 12月 29日離隊飛去新加坡密會 Mandy Lieu。 Heidi即時用文字反擊:「老公一離開我身邊就係去左陪人架喇!」

三代同堂慶生

聖誕節適逢是洗米華父親生日,全家去泰國遊玩兼慶生,身為正印的 Heidi即時在 fb上載文字及蛋糕相片,睇見都覺溫馨。



鍾意就快D Share啦!