[忽然1周 - 1015] 帶不走的叮噹! 保全叔活在心中 保全,林保全,MW,

林保全話配咗幾年先鍾意叮噹，為保護呢把咁獨特嘅聲，咁多年嚟都戒飲凍嘢，怕突然喉沙喎！真係好敬業。

媽咪姐

帶不走的叮噹!　保全叔活在心中

前幾日，媽咪姐同大家一樣，聽到只有 63歲嘅林保全走咗，真係難過到好似睇緊末日電影咁，覺得叮噹永遠消失。唉！仲記得當年跟住個記者 friend去保全叔家做家訪，因為住村屋關係，佢驚我哋搵唔到條路，特登搭咗 15分鐘車去馬鞍山食早餐，喺商場等我哋。

搭的士去到保全叔屋企，佢又問媽咪姐怕唔怕狗，真係好人又細心。查實保全叔最錫都係依家做緊配音員嘅囡囡林芷筠，提起個女佢都笑到見牙唔見眼。囡囡想拍劇唔反對，之後跟媽咪去學校教書，又冇 say no。訪問做完，保全叔唔只化身叮噹幫我哋錄電話留言，仲搞笑大嗌「機械伸縮手」，打開屋企嘅「隨意門」送客。只係風趣嘅佢，坐咗時光機走，唔可以再留喺度喇！

呢張相咁又過咗廿年，當年仲係叫《叮噹》嘅主要配音員都在場，只可惜配「叮噹」嘅林保全同配「大雄」嘅盧素娟相繼離開，哀！

保全叔獨女林芷筠近幾年繼承爸爸衣缽，全職配音。懶羊羊都係佢配㗎！

林太同囡囡芷筠上完香後，喺佛堂內誦經，等保全叔安心上路。

《蘋果日報》圖片

皈依佛教嘅保全叔，暫時設咗個位喺大埔定慈寺，方便師傅進行法事。

面圓圓、同爸爸林保全有幾分似嘅林芷筠，同廿年冇拍劇嘅黎明合作過㗎！喺《阿 Sir早晨》入面演學生，仲係貪玩嗰隻。

唔少人記得林芷筠喺《再見亦是老婆》演陳秀雯同姜大偉個女，以童星嚟講，佢都拍過唔少劇。

林芷筠自從入埋大台配音，好多時會同爸爸一齊返工，又會請教配音技巧，可惜冇機會再喺爸爸身上學嘢喇！

鍾意就快D Share啦！

下一篇 》