全城熱爆的娛樂八封新聞 & 時事趣聞 & 生活 + 趣聞
合照嗰陣，軒仔忽然走去扶嘉玲，好似娘娘出巡呀！
作為女人，媽咪姐真係好欣賞劉嘉玲。唔只佢有個電眼老公梁朝偉，最難得係佢合作嘅對手，都有番咁上下。睇吓佢呢幾個月演出《杜老誌》，場場咀梁家輝不在講，依家又有張敬軒𢱑合唱。
呢日（ 6日）佢哋又公開綵排，軒仔話原本同嘉玲合唱，但檔期問題，惟有寄望下次。之但係見到嘉玲真人，佢就好似侍奉太后咁，扶實前輩。嘩！咁識搵位，抵你紅呀！
綵排連演出都做咗過百次，佢哋仲係排得好投入。謝君豪索嘉玲個樣，好入戲吓。
梁家輝喺台灣趕唔切返港，但係大會識揀，播咗佢同嘉玲激咀場戲出嚟。睇吓嘉玲咀到頸筋都現晒，好肉緊呀！
