上周五（ 2日），黃日華單拖現身經常出沒的九龍城，笑住向記者透露太太現時的健康十分理想，自己就要周圍走北上搵真銀。
娛樂喧
父女完約港視 黃日華靠自己𢱑job養
港視於去年 11月以網上電視及購物平台形式開台，縱使劇集質素及演員陣容贏盡口碑，惟公司暫無意再開劇。近月港視藝人亦陸續約滿，當中黃日華已經變回「無主孤魂」，而囡囡黃芷晴亦將於 5月完約。
身為家庭支柱的華哥不單要應付家中日常開支，亦要擔起正在癌病康復期的太太梁潔華養病的費用。據知近日他靠自己接了不少內地工作，又親自出面跟內地製片會面，為自己和女兒斟洽拍劇機會。日前他向本刊記者坦承說：「最近要周圍走做嘢！」看來要擔起頭家真不容易！
昔日無綫五虎之一的黃日華，理應與大台關係密切，不過因 2010年他有份擔正的台慶劇《刑警》不獲重視，華哥炮轟大台「大細超」，台慶夜由《公主嫁到》及《義海豪情》分庭抗禮，《刑警》則被隱形，雙方關係因而破裂。即使如今黃日華與港視已完約，返大台機會亦微乎其微。
阿女做設計生意
華哥與港視的合約屬部頭形式，港視遲遲未見復拍劇集，手停口停的華哥當然受影響。知情人士指：「華哥講到明唔鍾意藝員約綁死晒，所以佢同港視係簽部頭約，港視唔開劇佢就冇收入。而佢囡囡嚟緊 5月都約滿，即使未約滿，佢都冇劇拍，好彩囡囡有做手作仔生意，仲有啲收入。不過依家華嫂療養都要使錢，所以華哥都惆悵㗎，惟有辛苦啲北上搵人仔幫補。」記者亦問過黃芷晴，她說暫時不太擔心前路：「同公司續唔續約我好被動，要睇佢哋嘅決定同方向。不過呢排我自己都有啲設計嘅 project做，暫時唔擔心嘅！」
向志偉謀後路
據知近日黃日華無論內地大小活動都接得就接，一星期來回中港至少兩三次。此外他亦私下相約內地製片人，希望為自己和女兒謀求拍劇機會。「華哥以前啲劇套套做主角，喺內地知名度都算高，所以內地公司俾佢個價都唔低，十萬八萬一個活動走唔甩。佢都算搵到嘅，不過就要成日中港兩邊走囉。其實華哥梗係想貼身照顧老婆，但為頭家冇法所以佢都有同志偉傾過，睇下佢嗰間經理人公司『愛好娛樂』有冇好路數囉！」知情者說。
黃日華：太太好健康
上周五（ 2日），華哥冇工開難得在港，就專登到九龍城為屋企張羅日用品及藥物。雖然在港冇開工已有一段日子，但人氣未減，其間不少途人雀躍上前要求合照，華哥亦冇托手踭，相當親民。
事後本刊記者上前與他做訪問，他亦願意透露太太近況，笑笑口說：「佢好開心呀，依家好健康呀！（港視唔開劇，工作上你有咩打算？）其實呢排我都好忙呀，最近都要周圍走做嘢。」言談間亦坦承北上搵真銀，雖然相對辛苦，但隨時搵得多過留港拍劇。
密密北上掘金
黃日華加盟港視後先後拍攝《開腦儆探》及《歲月樓情》（圖），不過自前年太太梁潔華患病後，他暫停所有長時間的幕前演出，以便照顧老婆。近半年梁潔華正在康復，與港視已完約的黃日華亦重新開始工作，主力返國內登台及出席代言活動，時間短之餘搵得更多。
近半年收入
國內商演× 25個
約 250萬
國內代言× 3個
約 150萬
國內登台× 30個
約 250萬
半年總收入
約 650萬人民幣
|
鍾意就快D Share啦！
|
|
|
