全城熱爆的娛樂八封新聞 & 時事趣聞 & 生活 + 趣聞
早前霍啟山同嫲嫲出街，裝扮一模一樣，睇嚟佢對呢個 look情有獨鍾。不過冇所謂啦，有錢就着乜都「好睇」
早排媽咪姐有個世姪女話到咗適婚年齡，想釣金龜咁話，問媽咪姐城中有邊個筍盤富二代諗得過？媽咪姐都陪世姪女發夢，講起霍家大公子霍啟剛前年娶咗國寶郭晶晶之後， 31歲嘅二公子霍啟山即刻成為霍家筍盤。雖然佢身邊靚女氹氹轉，但到依家仲係單身，可惜身家疊水嘅二公子嘅衣着品味就真係弱咗少少。
呢日霍啟山自己一個行中環，全程唔係講電話就係㩒電話，原來秒秒鐘幾百萬上落嘅霍家二公子都係典型電話怪。
事關日前媽咪姐喺中環半山撞到佢單拖行街，仲同媽咪姐講話約咗人，但係佢個 look又唔多似喎！淺色洗水牛、深藍色西裝褸加埋頂帽， hea到呢！係時候學吓大佬嘞。
