全城熱爆的娛樂八封新聞 & 時事趣聞 & 生活 + 趣聞
話晒都係名媛，童愛玲食雞翼都 elegant啲，細細啖咁食，又自備保溫水壺，真係滋陰。
做女人都係想搵到個好男人，有幸福嘅家庭，好似童愛玲話咁快已經結婚 11年，囝囝 Kyle王子毅都 10歲喇！依家佢主力湊仔，間唔中出席活動賺吓私己錢。啱嘅，因為佢個囝囝好夠斤両，唔賺多啲，點餵得飽個仔。
日前喺跑馬地見到童愛玲湊埋啱啱放學嘅 Kyle去食漢堡包，睇嚟阿仔真係餓咗好耐，唔只嗌咗個包餐，仲加碼要埋炸雞柳同雞翼。童愛玲除咗幫手食咗兩隻雞翼之外，全部由阿仔一個人清晒！認真擦得！
童愛玲同老公王敦民真係好錫囝囝，一到阿仔放假，就全家去旅行，等 Kyle接觸多啲新事物。
童愛玲囝囝 Kyle眨吓眼已經十歲，身形高大，睇佢狂風掃落葉咁清晒枱上啲食物，就知幾夠營養
食飽飽出到門口，童愛玲即刻摸吓個嘴，睇吓有冇污糟先！
