唱咗 36年嘅台語天后江蕙，決定「封咪」，除咗歌迷要搶票外，連被江蕙視為偶像嘅蔡依林都大呻「一票難求」。
出外埠
江蕙「封咪」 歌迷瞓街搶飛
白靈話「封奶」，就俾人叫「早唞」，而台語天后江蕙，一聲「封咪」，掀起台灣搶飛潮！真係同人唔同命囉。
話說今年 53歲、出道 36年嘅台語天后江蕙於日前宣布「封咪」，並定喺 7月 25號開始舉行「祝福」巡迴演唱會，仲話怕歌迷搶飛辛苦，所以分別喺台北同高雄巨蛋共開 16場。門票雖然於本周一(5號)才開賣，但佢嘅歌迷無懼天寒，於 1號開始輪流排隊搶票，亦有歌迷話 16場太少，希望加到 20場，不過江蕙認為 16場已足夠。其實啱嘅，見好即收先係最完美嘅終結﹗依家最貴嘅 6,800台幣（約港幣$1,700）門票，已經炒到 68,000台幣（約港幣$17,000）一張，癲！
|
鍾意就快D Share啦！
|
|
|
