[忽然1周 - 1015] 賤男吳帥爭女？楊思琦：大家唔使擔心！ 吳帥,思琦,楊思琦,MW,

媽咪姐

賤男吳帥爭女？楊思琦：大家唔使擔心！

做咗單親媽媽 3年嘅楊思琦，離開大台之後，密密北上搵銀，做人愈嚟愈積極。不過，有啲瘟神硬係陰魂不散！啱啱就有報道話賤男吳帥忽然返咗香港，仲踩上思琦妹屋企拍門，話要攞番個女 Krystal（楊卓穎）喎。嚇到思琦妹手騰腳震，死撐話要報警先嚇退不斷拍門嘅吳帥。

其他影片：>>獨家回應　空心老倌吳帥搶女搵上門　楊思琦：冇哭訴，冇嘢發生

嘩！拋妻棄女咁耐，一出現就話要番個女？咪癲媽咪姐好擔心思琦妹呀，即刻打電話問候。呢位硬淨媽媽話多謝大家關心，「冇回應，冇喊，根本冇發生呢樣嘢，大家唔使擔心！」咁如果囡囡問起爹哋又點？「唔講啦，我唔會答。」嗯，睇嚟思琦妹真係好唔想再提起賤男。新一年，的確應該向前望嘅！

圖片

吳帥騷擾思琦妹新聞一出，網民瘋傳。有人幸災樂禍，但多數人都力撐呢位單親媽媽。

上個月，思琦妹同胡杏兒齊齊上深圳衞視嘅綜藝節目。睇衣着就知思琦妹真係搏到盡！

又係上個月，思琦妹參加珠江頻道嘅《粵唱粵響》歌唱比賽，雖然第二回已經出局，但誠意可嘉，評判黎彼得都想錫啖。加油呀！思琦妹。

鍾意就快D Share啦！

下一篇 》