2015年1月9日 星期五

[忽然1周 - 1015] 向準新娘劉綽琪取經 楊怡 8月嫁羅仲謙 劉綽琪,羅仲謙,楊怡,MW,




楊怡話要男友「搵到錢」才結婚,羅仲謙都搵到錢咁即係好事近

娛樂喧

向準新娘劉綽琪取經 楊怡 8月嫁羅仲謙

35歲楊怡與細她 5年的羅仲謙拍拖 3年,感情愈見穩定,更屢傳婚訊!

近年謙仔事業穩步上揚,電影叫價升到 200萬人仔,大台新劇《衝線》亦升呢做男一,錢途無可限量。據知男方去年第二度求婚後,趕生仔的楊怡終於 say yes,決定今年 8月拉埋。

近日準新娘劉綽琪回港向楊怡報喜訊,楊怡即刻約她消夜取經,請她分享搞婚禮心得。

兩人拍拖最經典事件要數 12年 9月,羅仲謙接楊怡返家,全程 40分鐘,楊怡都伏在謙仔腿間,事後更被影到口角濕潤。

趕生仔的楊怡,近年男友羅仲謙成功爬上一線,有機會參與大製作《西遊記之孫悟空三打白骨精》,事業得意。為免夜長夢多,楊怡終於答應與男友結束姊弟戀,計劃今年 8月結婚。適逢準新娘劉綽琪返港派帖,楊怡於是即席向老友取經。

12月 28日晚上十一時許,頭戴 cap帽一身黑衣人打扮的楊怡,與助手來到尖沙嘴諾士佛臺。原來她約了移居美國多年的劉綽琪。其實早前劉綽琪於 facebook透露將於今年 2月 7日結婚。今次返港是向老友派帖,當然不會少了好姊妹楊怡嗰份。只見當晚兩人雞啄唔斷,足足嗲了兩粒鐘才離開。據知今次劉綽琪是邀請楊怡做姊妹,席間楊怡更向姊妹透露好事近。

向姊妹爆好事近

本刊事後致電劉綽琪,問楊怡有否向她透露今年結婚?她十分口密,只謂︰「吓!做姊妹?不嬲都係姊妹嚟。我哋識於微時,由出道到依家做埋朋友仔……(你哋有冇交換結婚心得呀?) um……係咩?佢結婚咩?你問番佢本人啦,我冇乜意見發表,我唔識答你呀!(咁有冇傾開心事呀?)開心嘢日日都發生。」即匆匆收線。

「佢哋初初拍拖,謙仔唔係搵得太多錢,俾阿怡食住㗎。哈!依家謙仔搵到錢又多女黐埋去。之前謙仔喺大陸拍戲,阿怡都突擊飛埋上去,話就話陪佢囉,查實係𥄫住男友。之前蔡思貝向謙仔放電,阿怡真係呷晒醋㗎!」知情者說。

據知楊枱與羅仲謙前年只是半同居,但去年謙仔已正式搬入楊怡的領都寓所。「阿怡同謙仔放假都唔鍾意出街,成日都禁室培慾!」知情者說。楊怡仲向姊妹力讚男友好 man兼細心,看來兩人真係冇年齡差距的問題。

其實羅仲謙前年已向楊怡求婚,女方鑑於男友事業未突破,買樓養家仍有壓力,所以一口拒絕。不過謙仔去年事業大躍進,更豪花百萬買新 Benz跑,並計劃置業,所以楊怡最終答應男友求婚。早前楊怡漏口風︰「結婚總有一日會做……到有一日結婚我會同大家分享……我只希望佢(羅仲謙)可以築起自己嘅安樂窩……」

28日晚,劉綽琪與楊怡在尖沙嘴諾士佛臺「 Tutto Bene」吹水,兩人足足吹了兩粒鐘,其間楊怡不斷查看手機,唔知係咪等男友 call佢。

因為與好姊妹飲了酒,楊怡沒有駕車,乘的士離開。等車期間,兩人仲繼續吹唔願停。

兩人離去時已凌晨 2時半,可能因為楊怡用 cap帽遮面,沒有途人認得她。

冧爆耍太極

本刊致電楊怡,問她與準新娘劉綽琪聚會是否向對方取經?她冧爆說:「取咩經呀?(吹得好行你 8月結婚?)哦!你哋吹啫,冇人吹過。(謙仔係咪同你求婚呀?) er……我唔覺,我覺得對一個男人嚟講,搵到錢係好緊要嘅。(謙仔依家搵到錢,係咪加快咗 planning?)哦!最緊要你哋覺得佢搵到錢啫。(之前謙仔喺大陸拍戲,你飛咗上去探佢,係咪怕佢有女仔埋身?)唔怕你哋幫我看吓、睇吓咪得囉!」楊怡雖然大耍太極,但都叫記者幫忙𥄫實男友,證明她都緊張謙仔。

問楊怡是否向準新娘劉綽琪取經,她扮懵話:「乜佢結婚咩?」演技一流。《蘋果日報》圖片

羅仲謙近來得到大台力捧,拍完《醋娘子》後升呢男一。《中新社》圖片

劉綽琪下月秘嫁老外

08年飛美國發展的劉綽琪,下月 7日 40歲生日,除了轉字頭外,仲會踏入人生第二個階段。她將會與美國荷里活演員在美國結婚,近日不時在人前 show兩卡結婚鑽戒。

雖然劉綽琪 fb話會嫁俾宗教,不過佢叫朋友不用送禮,折現就好。《蘋果日報》圖片

專擒老外

外國長大的劉綽琪,對老外情有獨鍾。 06年 4月,本刊拍到她與老外模特兒男友拍拖滑水。她在香港娛圈撈咗 11年,緋聞近乎零。

遭性騷擾

35D的劉綽琪愛騷事業線, 06年她拍攝《義無反顧》時,曾遭同劇演員海俊傑性騷擾,指對方約她到夜店又摸又攬,拍劇時仲用手機播四仔。

赴美發展

98年她加入大台,主持過《慈善星輝仁濟夜》,由於外形斯文,演過多套律師的角色。 06年她轉投亞視,但只做了 3年便決定離開香港飛美國發展。



鍾意就快D Share啦!