全城熱爆的娛樂八封新聞 & 時事趣聞 & 生活 + 趣聞
買靚錶，郁吓過十萬，但俞琤只係用咗 20分鐘就搞掂。
同賭王女何超瓊關係密切嘅硬朗俞琤，大時大節對另一半表示心意，手錶，絕對係不二之選。
早排《壹》仔見到俞琤單拖現身中環英皇珠寶，一坐低，話明要睇錶，店員逐隻推介，再遞上熱飲招呼貴賓。 隔咗陣，女店長埋位招呼，仲攞出手機推介其他款式，已經六張嘅俞琤有老花，要除低眼鏡先睇到。 前後只係用咗 20分鐘，俞琤已經搵到心水埋單簽咭走人。之前《壹》仔都影過何超瓊去中環睇首飾，第二日再帶埋俞琤落去埋單，使錢氹香港女首富知己開心，俞琤慣手勢，難佢唔到。
店員推介錶款，俞琤逐隻慢慢睇。
店長用手機展示其他錶款，不過歎緊熱飲嘅俞琤有老花，要除眼鏡先。
