全城熱爆的娛樂八封新聞 & 時事趣聞 & 生活 + 趣聞
唔使拍《愛．回家》，李霖恩同太太 Candy陪住大女 Gianna學溜冰。
呢個年頭，做人父母比以前艱難得多，除咗兩餐溫飽供書教學，仲要為子女將來鋪定路，幾個月人仔為咗入名校返 playgroup，安排學琴棋書畫，小朋友嘅快樂童年，蕩然無存。
早個禮拜，《壹》仔見到有一仔一女嘅李霖恩夫婦，陪五歲大嘅囡囡喺又一城學溜冰。人仔細細嘅 Gianna溜冰技術唔錯，似乎學咗唔少日子，媽咪 Candy睇住個女溜冰，露出滿意笑容。 除咗溜冰，原來 Gianna仲學緊跆拳道同騎馬，怪獸家長一街都係，但李霖恩同太太已經變咗種，事關囡囡所學，全部都係「動態」，半滴文靜都睇唔到。
Candy全程傍實，仲喺場邊同囡囡打氣。
爹哋媽咪陪家姐上堂，兩歲細仔李浩宜未有同行。
上完堂， Gianna坐低食啲嘢，有少少傷風嘅李霖恩，行開一邊抹鼻涕，怕傳染俾囡囡。
除咗學溜冰， Gianna早排考到跆拳道綠帶，最近又學埋騎馬，很忙。
