全城熱爆的娛樂八封新聞 & 時事趣聞 & 生活 + 趣聞
郭少芸趁住 shopping都要電一電個舖嘅 sales，果然係佢一貫進取嘅作風。
大台嗰套處境師奶劇，播足幾百集都未斷氣，媽咪姐同成班靚太 friend早就悶到轉台。不過最近聽講套劇就快摺埋，今次媽咪姐真係要熱烈地彈琴熱烈地唱囉！
套劇摺埋，最慘係一班演員。好似郭少芸咁，呢日 working hour都可以得閒到出中環鳩嗚，仲鳩足成個下晝，好彩有男 sales陪啫！而同劇嘅查總（黃子雄）同馬海倫都好鬼得閒四圍遊，睇嚟大家真係要諗定後路嘞！
《愛•回家》由 180集做到依家幾百集，就算觀眾唔悶，班演員都做到謝啦，係咪？
同日，查總（黃子雄）亦得閒到喺銅記返烹飪班，嘴扁扁嘅佢睇嚟似等食多過上堂喎！
《愛》劇入面，最富貴就係馬海倫，雖然都係鳩嗚，不過人哋買衫，佢買鐘錶啫！
郭少芸忽然 delete咗佢微博入面同羅天宇呢張合照。唔通係嫌張相影得佢眼袋大，會嚇走桃花？
