掃呢頁CODE去手機

2015年3月13日 星期五

網友連環爆  Mandy Lieu堅見肚鬥大婆 [忽然1周 - 1024] Mandy,劉碧麗,Mandy Lieu,MW,



媽咪姐

網友連環爆  Mandy Lieu堅見肚鬥大婆

近排,花生價格不斷攀升喇!先有報道話 Mandy Lieu佗咗 7個月嘅肚離奇消失,跟住傳佢意外流產!又話佢假大肚㖭。不過啱啱又有周刊影到佢個肚出番嚟喎!神奇過神奇變幻球,劇情嘅引人入勝指數高過大台啲膠劇多多聲。









嗱嗱嗱,我媽咪姐都有料爆呀!話說今年 2月 14日嗰晚,有個靚太 friend先喺香港機場見到進擊的 Mandy。當時佢着到成身黑掹掹,個肚已經好凸吓,戴帽又戴口罩,其實真係幾難認到係佢㗎。好彩靚太 friend夠醒,識得借啲意行埋少少,𥄫吓佢個 boarding pass,見到大大隻字寫住「 Mandy Lieu」先 confirm到咋。靚太仲話 Mandy當時得自己一個,身邊冇人冇物,上咗夜晚 12點幾起飛嗰班英航飛去倫敦,唔知搞乜?

大住肚、谷晒奶嘅 Mandy Lieu終於返香港,日前同班 friend提早慶祝生日( 3月 20日),仲即刻放相上網。 Well,好快踏入 30大關,難怪佢箝實有錢有 face嘅洗米華唔放,但人哋有老婆嗰囉!

Mandy出沒注意

講真!呢個世界真係好細㗎!進擊的 Mandy仲要身高腿長,好難唔令人望多兩眼。所以好多網友都曾經目測過 Mandy個肚,確認佢係佗咗 B。然後,當然小三照鬧,花生繼續食

嗯,媽咪姐一八就八到啲嘢返嚟查實鬼妹仔 Mandy Lieu同太陽娛樂老闆周焯華(洗米華)傾好,諗住去英國安胎兼喺嗰度生埋㗎嘞,貪嗰邊少華人,第日 BB攞英籍又多着數!但眼見洗米嫂日日向記者高調晒命,佢又抵唔到頸,所以粗身大細都要飛返嚟做騷。查實唔少網友都野生捕獲過 Mandy Lieu㗎,個個都話見佢仲有肚喺手。呢場大婆小三爭霸戰有排未完呀!

大婆俱樂部

洗米華成晚攬住洗米嫂滿場飛。另一城中阿嫂、向華強太太陳嵐亦攬住洗米嫂個巨肚同鄺美雲、張晉影相。大婆梗要撐番大婆嘅!

早前洗米華旗下嘅太陽城集團搞春茗,正印陳慧玲以女主人身份出席。兩公婆頭貼頭合照,好恩愛。

鬥幫得手

Mandy Lieu佗 B之後,依然做人肉坐墊,傍住洗米華賭賤,又陪佢飛東南亞、韓國傾生意,非常搏命。正印陳慧玲都無坐以待斃,除咗喺網上連環晒全家旅行溫馨相,宣示主權。佢又為洗米華旗下嘅珠寶拍賣生意做宣傳,同班闊太 social,好勤力!

安胎盡在 Four Seasons

原本洗米華泵水俾 Mandy Lieu一炮過用近億買入金屋「珒然」,但成日有人報警引警察爆門。結果 Mandy Lieu今次返香港安胎就被安排長住 ifc嘅四季酒店海景套房,貪佢近港澳碼頭,方便往返洗米華地頭澳門,而且保安夠嚴密又多秘密通道,可以神出鬼沒避記者。

順帶一提,台灣女星吳佩慈都係喺四季度安胎,只係女都生埋,都仲未同富商男友紀曉波攞到個名份啫。

吳佩慈

鍾意就快D Share啦!