2015年3月13日 星期五

變賣家當撲 100萬 嚴淑明瞓身賣沐浴液 [忽然1周 - 1024] 嚴淑明,MW,



人肉生招牌

嚴淑明從不吝嗇驕人身材,賣沖涼液做生招牌對她來說濕濕碎。所有產品都由她親自做測試,故她對這盤生意信心十足。

娛樂喧

變賣家當撲 100萬 嚴淑明瞓身賣沐浴液

在港人氣沉寂一時的嚴淑明,周一( 9日)在尖沙嘴為沐浴露品牌大搞發布會。好友陳敏之、戴辛慧及汪子琦的富婆舊愛 Laura都現身撐場,她即場宣布其品牌「 Mandy Sweet」正式面世。

還以為嚴淑明只是掛名代言,原來她已正式成為合夥人。為撲錢做老闆娘,她用了兩個月「跑山」,在國內不同大小酒吧登台搵銀,就連最愛的名貴古董鑽錶及鑽石沙漏亦要變賣。嚴淑明今鋪唔賣胸改行從商,只許成功不許失敗。







以性感掛帥又新聞多多的嚴淑明,多年前轉戰台灣,以歌手身份拋胸出道。她出過 4張唱片,發展尚算不錯。但 09年她所屬的唱片公司突然結業,把其合約賣給國內唱片製作單位,之後因公司內部問題提早解約。

為了做老闆娘,嚴淑明忍痛賣掉收藏多年的古董鑽錶及鑽石沙漏,套現幾十萬。

跑夜場好辛酸

幾經轉折,嚴淑明投向北京博納唱片公司,發展至今。她說:「熟我嘅人都知,我從來唔鍾意靠人,冇嘢做嗰段時間我全靠之前儲落嘅錢。最後有朋友搭路返大陸登台唱歌,的確係幾好搵嘅!但當你一晚要走幾個夜場,仲要一個人面對台下觀眾兼搞氣氛,唱完已經凌晨 3、 4點,先返香港屋企休息,呢啲辛酸史真係冇人知。」

嚴淑明不斷中港兩邊走,短短兩個月已儲到數十萬。如此努力「跑數」,除了要賺生活費外,原來還想一嘗老闆滋味。年前她重遇兩位香港商界好友,對方向她推介一種沐浴產品,最後更誠邀她入股,連品牌名字亦用嚴淑明的英文名。

發布會大陣仗

周一( 9日),嚴淑明為其沐浴露品牌搞發布會,她坐上一架紅色林寶堅尼到達會場,尾隨幾架過百萬超跑,排場十足。

撻着吳君祥

嚴淑明多年來新聞多多,早年曾捲入汶萊賣淫事件中; 2012年又被指暗交江美儀男友吳君祥,兩女為此反面。

轉戰中、台

為肥媽做和音入行的嚴淑明,在港發展麻麻,早年轉戰內地及台灣,出過唱片及書,被喻為台灣話題女王。

幾十萬做測試

嚴淑明為了注資這盤沐浴產品生意,要變賣家當套現,當中有名貴古董鑽錶及鑽石沙漏。「因為產品要做好多安全測試,仲要每一種味都要做。換句話五種味道三個系列,合共有十五種產品,只要係喺市場上會賣嘅都需要攞去化驗,呢度都用咗唔少錢!(一共使咗幾多?)實數就唔好講, 6位數(你要變賣鑽錶撲錢喎!係咪真?)唔……(停頓咗 2秒)現金我真係唔多,真心覺得呢個產品有得做,首飾始終都係身外物。」

去年中,嚴淑明與圈外兩名股東,合資近三百萬買斷該沐浴露的亞洲代理權,並將其產品成分改良,重新設計包裝。

今次嚴淑明投資約 100萬創立個人品牌,一支沐浴液零售價幾十蚊就有交易。她坦言十分重視網購平台:「除 LOG-ON會上架外,喺網上亦有得賣,仲係第一間只要你買禮品套裝就會安排送貨服務㖭!」禮品套裝定價不過二百元,換句話消費唔夠二百蚊就有得免運費,看來經營成本絕對唔嘢少。

好友撐場

嚴淑明在圈中人緣不錯,發布會邀請多位好友撐場,當中包括陳敏之、 Laura(右三)及戴思聰太太(左二)等。

當年情

嚴淑明與簡佩筠十幾年前已深交,當年簡是大台力捧花旦,之後嫁去瑞士從事護膚品生意,今次專登回港撐好友。

好姊妹陳敏之忙於籌備自己的曲奇餅分店,亦抽空前來恭賀嚴淑明。

300萬投資用喺邊?

今次以嚴淑明英文名做招徠的 Mandy Sweet沐浴露,原產地在愛爾蘭,單單買斷亞洲市場的代理權,已花去不少金錢;還有精緻包裝及各項化驗,幾百萬成本開支絕對係最基本收費。

亞洲代理權:約$180萬

各項歐盟驗證:約$50萬

配方改良:約$30萬

包裝及設計:約$20萬

網站設計及支付平台服務:約$5萬

寫字樓租金( 3按 1上期):約$10萬

3名員工:約$5萬

合共約$300萬

拿着自己的心血結晶,嚴淑明笑言像生仔一樣非常緊張。

日前她在葵涌貨倉親自檢視貨品。

鍾意就快D Share啦!