掃呢頁CODE去手機

2015年3月13日 星期五

叮走馬賽 汪子琦𥄫中江若琳 [忽然1周 - 1024] 馬賽,汪子琦,江若琳,MW,



捧做女一

論外貌與演技,江若琳確是不錯的女角人選,身為導演的汪子琦今次親自揀蟀,不容有失。

滾熱辣

叮走馬賽 汪子琦𥄫中江若琳

馬賽年前介入富婆 Laura與內地製片人汪子琦的同性婚姻,與汪發展攣情;去年 7月流出馬賽穿情趣內衣跳艷舞片段,形象直插谷底。

據知去年汪子琦籌備處女執導新戲《愛在星空下》,當時意屬馬賽做女主角,但純純兔假面具被撕破後,電影即時煞停。叮走馬賽後,汪子琦重返正印 Laura身邊, 3月 4日(上周三)汪在其微博上載江若琳一張性感相,讚到對方天上有地下無。很明顯,與舊公司合約糾紛仍未解決的江若琳,被汪子琦睇中做女一,成為新寵兒。

年多前,馬賽在上海被拍得與內地女製作人汪子琦街頭攬啜,其後再流出穿情趣內衣跳艷舞片段,純情形象即時破滅。而原定想開戲力捧馬賽的汪子琦,聲稱看清對方的真面目後,亦即時斬纜。

事隔半年,新片終於開鏡有望。汪子琦不時中港兩邊走,籌備新片《愛在星空下》,而女主角已敲定為江若琳。雖然江若琳執二攤,但她覺得汪導演非常有誠意,還親自對她解構角色性格,即使江若琳與寰宇的合約糾紛仍未解決,亦完全不受影響。汪子琦曾表示:「她(江若琳)說沒關係,我們簽了合約。」

讚不絕口

上周三( 4日),汪子琦在微博上載了一張江若琳的靚相,還用上很多讚美的說話去形容江若琳,真係好易令人誤會喎!

得不償失

被踢爆做小三的馬賽,純情形象徹底摧毀,被大台放入雪櫃,人氣欠奉,近月像人間蒸發一樣。

多次來港傾劇本

正身在重慶拍攝電影的江若琳,周二( 10日)透過經理人回應:「係!我哋落實咗拍汪小姐嘅電影。會喺 5月中開拍,檔期仲度緊,因為手上仲有一套劇集、兩套電影同一套港產片要開,時間安排有啲緊張。片酬有七位數,汪小姐好好,專登嚟香港同 Elanne(江若琳)見過幾次面,好有誠意。」

女主角人選已定,汪子琦輕鬆不少,日前她更在其微博上載一張江若琳身穿白色通花背心,露出少許事業線的照片,汪還加上純淨、善良、熱情、有愛……等形容詞,可見她對江若琳非常滿意。

賺錢打官司

江若琳與林小明因合約問題對簿公堂,勝敗仍是未知之數,現時江若琳只好努力接 job未雨綢繆。近月她都在重慶拍電影,非常忙碌。

5月開拍

電影《愛在星空下》由汪子琦親自寫劇本及執導。屬青春勵志片種,暫定 5月中在蘇州和上海開拍。日前汪子琦與總製片人簽約。

感情不變

Laura和汪子琦在感情上雖然經過大風浪,但二人仍出雙入對。汪不時在微博放親密外遊的合照,相中 Laura笑得好甜,但她卻又說仍未 ready復合。

富婆比喻:俾賊人入屋

獨家訪 Laura

一身高貴打扮的 Laura穿上 LV最新春裝,手上戴着價值近 30萬的勞力士玫瑰金 Daytona手錶與鑽飾。她接受本刊獨家訪問時,對於汪子琦大讚江若琳,坦言:「所有 single嘅戀情都值得祝福!」

周一( 9日),身為汪子琦舊愛的富婆 Laura現身香港,到尖沙嘴撐好友嚴淑明的沐浴露發布會。本刊記者與 Laura做了一個獨家訪問,發現她原來是「金句王」。

記:記者 L: Laura

記:汪子琦在微博放江若琳嘅相,仲激讚對方,有冇擔心佢重蹈覆轍?

L:當然唔擔心都唔同 situation(情況),所以唔存在重蹈覆轍。我覺得所有 single嘅戀情都值得祝福。

記:讚到江天上有,咁汪係咪對佢有好感?

L:有冇好感我就唔知,但據我所知佢寫嘅形容係講片中嘅女主角。

記:據知呢個角色本來屬於馬賽,覺唔覺係佢嘅損失?

L:佢損失乜嘢呢?打個比喻,有個賊入屋打劫唔小心仆親,唔通叫我賠保險?我覺得佢冇損失囉!係我損失先真。

記:你身為投資者,新片轉女主角,要求上會唔會嚴謹咗?

L:好似佢(馬賽)呢啲人係好少有,所以唔擔心。雖然我未見過江若琳,但佢應該適合呢個角色。

記:現時同汪子琦關係點?

L:講咗好多次!係朋友。

記:會原諒汪子琦?有冇復合機會?

L:好事壞事都係一種經歷,做得朋友都原諒,可唔可以一齊番,係另一種原諒。不過之前發生太大件事,暫時未 ready。

眼前的 Laura非常貴氣,對於汪子琦之前的錯,她不單止原諒,還打本開戲讓汪一嘗做導演的滋味,二人感情絕不簡單。

鍾意就快D Share啦!