食家崔建邦 唔娶拖住先 [忽然1周 - 1024] 崔建邦,MW,

媽咪姐

食家崔建邦　唔娶拖住先

正當大家以為 35歲嘅崔建邦（ Amigo），終於俾細佢 13年嘅女友陳嘉莉（ Kelly）收服成功，閃電註冊同準備緊喺 8月擺酒嘅時候，佢唔夠半日就澄清話：「 it's not true.」哦，睇嚟係女友恨嫁放料催婚。

其他影片：>>女友自稱翻版吳千語　崔建邦秘娶 18歲𡃁模
>>聞舊愛崔建邦娶𡃁模　蜜運唐詩詠笑騎騎：戥佢開心啦
>>蜜運唐詩詠當街啜雪糕

不過呢，媽咪姐聽聞呢位小女友比起崔建邦班前度，都幾主動，事事以男友行先，嫩口又聽話。拍拖大半年， Kelly早就登堂入室，長駐男友位於飛鵝山嘅屋企。而識食嘅崔建邦為免俾人話又換新女友，呢次拍拖變得好低調，經常留喺屋企玩煮飯仔。其實崔建邦年紀已經唔細，父母一直催婚， Kelly亦識煮番兩味𠱁老人家。結婚，只係遲早問題啫！

兩星期前，崔建邦同父母慶祝生日，仲話佢一生最愛嘅兩個人都係 2月出世。咦？ Kelly都係，好有緣呀！

喺 7個月前， Kelly已經成日去崔建邦屋企食飯（睇啲碗筷就知），仲點名讚韓國菜好食，幾識𠱁身為半個韓國人嘅男友呀！

住家愛心餐

Kelly又唔係淨係識食嘅，拍拖煮飯仔，梗要有來有往，睇吓呢日佢就整烤雞，個樣都幾得㗎！

前度祝福

新娘係唔係唐詩詠，唔緊要嘅。睇佢依家有新歡洪永城，連同朋友行街食雪糕個樣，都 sweet到暈！對舊愛傳閃婚，仲大方祝福：「係真嘅，梗係戥佢開心，咁我希望個個都可以幸福快樂！」

男友洪永城去咗印度，唐詩詠就成日拎住電話 check行蹤，難怪洪生要日日打卡報告食過乜。

依家喺印度嘅洪永城，冇啖好食，捱足一星期咖喱，睇見飽晒。不過女友唐詩詠班姊妹，唔只唔同情，仲叫佢咪食咁多煙，因為唐小姐唔鍾意囉！

前男友有着落，唐詩詠都唔輸蝕，同洪永城愛得痴纏，睇嚟唔使幾耐好事近。

鍾意就快D Share啦！

下一篇 》