2015年3月13日 星期五

梅艷芳二哥喉癌病逝 梅媽哭訴:你話慘唔慘 梅媽,梅艷芳,



梅艷芳二哥喉癌病逝 梅媽哭訴:你話慘唔慘



其他影片:>>






梅姐二哥喉癌病逝 梅媽哭訴:你話慘唔慘

十二年前,百變天后梅艷芳步其胞姊愛芳後塵,兩姊妹都不幸因子宮頸癌離世。怎料,前日阿梅二哥德明亦因喉癌過身,終年六十二歲。現年九十二歲的梅媽覃美金白頭人送黑頭人,十五年來先後痛失兩女一子,儘管請中醫、買貴藥、日日煲粥水隔渣探兒子,最後只能目送德明不敵癌魔折磨離去,梅媽老淚縱橫難過得肝腸寸斷,現更為亡子的殮葬費煩惱,悲痛說:「你話我慘唔慘!」

已故天后梅艷芳生前有兩兄一姊,可憐兩姊妹先後因子宮頸癌病逝,梅姐死後十二年,她的二哥德明於前日再被癌魔奪去生命,終年六十二歲的他遺下兩子兩女。

九十二歲的梅媽老來喪子悲痛欲絕,昨早梅媽接受電話訪問親證德明死訊:「噚日走咗,喉癌!舊年三月吞唔到嘢,初時以為喉嚨痛,睇醫生已經係第四期,喺瑪麗做完手術畀咗葛量洪,捱到一年,唉!好辛苦!」

梅媽下午在跑馬地寓所接受本報專訪,喊到眼紅紅的她說:「德明喺噚日早上七點零六分逝世,接到電話去醫院,孫幫佢抹身,知道有第四期喉癌,佢由澳門返港做電療,佢唔肯做化療怕辛苦,亦做過十七小時手術,之後驗有啲嘢割唔清,抽痰出嚟全部都係血,食方面只可粥水,要打嗎啡止痛,有次醫生話德明得番四個鐘左右,我唔信,喺廣州搵中醫返嚟,中醫話捱得到,結果真係捱到過年。」

梅媽哭訴:「當時啲孫仲話我,搵乜醫生畀乜藥佢食呀,唉!佢始終我條腸出,我可以話事㗎,結果真係捱到過年,尾段喺醫院瘦到得棚骨。生前喺醫院仲好地地時叫工人幫佢買馬仔,贏過幾百蚊笑哈哈,不過𠵱家人都走咗!」白頭人送黑頭人的梅媽悲痛欲絕,兩女一子於十五年間先後死於癌症,梅媽嘆氣說:「你話我難唔難過,幾個仔女都係受人所害,你話慘唔慘!」



■梅德明二○○八年曾出席阿梅的蠟像揭幕禮。



■梅媽昨日在寓所接受本報專訪,談到兒子梅德明當日抗癌的情況,哭到兩眼通紅。攝影:陳俊強



■離開了十二年的阿梅,其二哥前日也被癌魔帶走。

「幫幾多都多謝」

四十歲撒手人寰的阿梅生前擔心母親年老無依,立下遺囑由滙豐信託管理其遺產,每月給母親生活費照顧終老,惟梅媽和啟明多次耗巨資為爭梅姐遺產打官司,大前年梅媽被法庭宣佈破產。提到德明的殮葬費,梅媽勞氣爆粗:「你話我搞唔搞得掂啦,十二月叫滙豐畀多幾萬蚊我,就算阿梅在生,佢大佬咁佢唔會唔理,個X街滙豐揸住啲錢!我個仔一毫子都冇,個個月畀四萬八千蚊我捱,租又唔同我交。」

問殮葬是否有困難?她說:「我已經搞最平殯儀,德明生前好孝順,啲孫都好孝順,噚日孫請假搞後事,我啲仔都唔衰㗎。」問要否借錢搞殮葬?梅媽直言:「求人囉,唉!人哋幫得幾多都多謝。佢以前做廚師搵幾萬蚊一個月,呢個唔係懶又唔賭錢,係佢以前嗰大老婆唔好啫,佢好多嘢屈住喺心,阿梅有阿梅屈,佢有佢屈!」



■梅媽當年育有兩子兩女,全家總動員於荔園討生活,如今只餘啟明相伴。



■本身是大廚的梅德明被梅媽大讚好仔,只因屈埋屈埋才屈出病。

業主申請收樓令

此外,梅媽現居跑馬地單位月租四萬三千元,因欠租逾半年被業主申請收樓令,土地審裁處昨在判詞中指,梅媽未能證明可於短期內交回欠租及訟費,故准業主收樓。梅媽說:「打咗十一年官司賣晒啲樓,𠵱家呢度都係租,呢度四萬三蚊租金,滙豐每月畀四萬八,我點夠使。」梅媽更勞氣說:「其實自己想出自傳將啲經歷話畀所有人知,滙豐係點樣毒,自己好激氣。」

梅姐生前徒弟草蜢昨到尖沙嘴出席活動,聞德明死訊驚訝說:「吓!唔係嘛,以前當然有接觸過,我哋好少聯絡,完全唔知道可以點幫到手。」問會否覺得梅媽好慘?他們說:「咁佢仲有個仔,佢個仔會照顧佢。」

採訪:卓寶花、黃幗慧

案件編號:LDPD2455/14



■梅德明離世,梅媽的家昨日又被業主申請收樓成功。

鍾意就快D Share啦!