網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月20日 星期五

J cup AV女 小向美奈子 毒斷 AV路 [忽然1周 - 1025] MW,



亞熱帶

J cup AV女 小向美奈子 毒斷 AV路

近年吸毒風氣瀰漫娛樂界,好似早前喺北京衰咗嘅房祖名同柯震東。日前,強國另一個藝人王學兵亦因吸毒而被捕。而日本 AV女優、擁有超豪 J cup嘅小向美奈子,月前亦喺屋企吸毒人贓並獲。其實小向美奈子因吸毒被捕都唔係第一次。本來憑 J cup驕人身材出位嘅佢喺寫真界要風得風、要雨得雨,就因多次衰吸毒,令演藝事業一落千丈而淪落到拍 AV搵食。不過聽聞連 AV界都怕佢累街坊而唔再搵佢合作,認真慘情!

30歲,本來喺 AV界闖出一片天嘅小向美奈子,上個月 6號,因為喺屋企被搜出藏有 0.05克興奮劑及吸毒罪名被捕。不過呢位有「 AV達人」稱號嘅美奈子,竟然連 200萬日圓(約港幣 13萬)保釋金都攞唔出,要喺拘留所踎足一個月,先由朋友幫手籌錢將佢保釋出嚟。夠晒悲哀。

17歲

如果唔講,相信冇乜人會估得到呢個純情學生妹會係小向美奈子。當年佢以拍平面廣告為主,可惜轉拍性感寫真走紅後,反而令其走上淪落之途。

19歲

小向美奈子幾乎所有大小活動都會見身影。嗱,前年( 13年),佢又出席咗女子摔角比賽節目。睇落佢身材仲勁過班女子摔角手。

其實小向美奈子之所以成為「毒后」,都係怪佢紅得太快所致。話說美奈子 15歲以寫真出道,因為樣貌清純,拍得住後生版山口百惠而走紅。之後幾年,佢一直 keep住純情形象,冧到一大批死忠粉絲。後來佢嘅生活開始糜爛。 09年更爆出吸毒醜聞,純情形象冇晒,嚇走粉絲。佢惟有轉拍性感寫真,誰不知遇人不淑,俾賤男出賣,不單向雜誌爆料公開其私生活,仲攞佢啲禁相賣俾雜誌。衰嘢接二連三,搞到佢幾乎連 AV都冇得拍咁滯。可惜美奈子劣性難改, 11年又再次因吸毒被捕。

衰過兩次之後,小向美奈子突然變得積極,一方面狂拍 AV搵錢,還偶然參與劇集或電影拍攝。 14年初,為要向「情色女王」壇蜜看齊,美奈子仲豪到用約港幣 7百多萬去美國嚟個大整形,將巨乳由 H升 cup變 J,為腰部做抽脂手術等等。正當人人以為佢修心養性專注事業發展之際,今年初佢又再因吸毒被捕。消息一出,美奈子俾網民狠批,話要佢退出。唔知係咪呢個原因,佢嘅 AV作品竟即時登上銷量榜十大,連之前拍落冇乜人吼嘅寫真都銷量大升。睇怕啲人諗住佢以後真係冇得撈,驚冇得睇而速速入貨。都唔知係攞景定贈興咯!

同年美奈子喺西九龍中心舉辦握手會,仲向男粉絲大送波餅。睇吓呢位阿哥個樣冧到呢!

小向美奈子 10年時接受《蘋果日報》專訪期間,遇到話係佢粉絲嘅老外,仲齊齊影番張合照。

《蘋果日報》圖片

14年 11月,小向於「 AV OPEN 2014」奪得超重量級組 AV女優冠軍,獎金約港幣 30萬,但被捕時竟然冇錢保釋。

據日本警方調查,話「吸毒夫婦」酒井法子同丈夫高相祐一當年吸毒嘅毒品都係小向美奈子提供。

小向美奈子於 10號交保釋金(約港幣 13萬)後,向警署外面 30多個記者鞠躬謝罪,但依然不忘晒事業線。

涉毒有前科

本來喺 AV界都算叱咤一時嘅小向美奈子,卻因生活不檢點兼涉毒而令事業發展岌岌可危。

2009年

因非法藏有安非他命被捕,當時佢喊住會反省,故只判刑 1年 6個月,緩刑 3年。

2011年

小向美奈子由菲律賓返日本,一抵成田機場,即遭警方拘捕,指曾向一伊朗人購買 0.9克毒品。

2015年

於其家中搜出毒品,而小向被捕時,雙眼仲係好迷離,似啱啱上完電咁款。

鍾意就快D Share啦!