18/3認女兒失控
周三早上，吳綺莉向本刊證實，卓林周一在病房吵鬧。
滾熱辣
契媽醫院目擊 拒聽阿媽電話 卓林失控大嗌 OMG
上周爆出吳綺莉涉虐兒，小龍女吳卓林由社署安排入住那打素醫院。吳綺莉母女事發至今原來一直未有見面及通話，只能透過社工及卓林契媽溝通。這位契媽是圈外闊太，與吳綺莉是三十年好友，近日亦是由她照顧卓林。
原本卓林獲安排在周一（ 16日）出院，不過她不願面對追訪嘅傳媒，最終在病房內鬧情緒，截至周三（ 18日）仍未離開醫院。吳綺莉周三接受本刊訪問，透露契媽向她覆述，卓林在醫院不肯聽她電話，仲大嗌及匿入廁所。吳知道後痛心又擔心。
卓林報警拉母親，原意只是覺得母親酗酒，需要找人幫助，卻觸動中港傳媒爭相報道。由於吳綺莉涉虐待女兒，卓林暫歸社署照顧，未可返回吳綺莉家，於是吳綺莉只好委託好姊妹兼卓林契媽代為照顧。
社工視察契媽家
「卓林總共有三個契媽，一個係林建明，一個係傳媒高層，得呢個契媽係圈外人。呢個圈外契媽同吳綺莉識咗三十年，嫁咗個有錢老公，睇住卓林大。上星期六，傳媒影到吳綺莉去咗跑馬地，其實當日佢就係上卓林契媽屋企，同社工開會，俾社工睇下契媽屋企適唔適合俾卓林暫住，社工睇完都話 ok。」吳綺莉密友說。
事發後，卓林自知連累母親，即使在周日（ 15日）透過社工將道歉信轉交母親，仍未能原諒自己。本刊收到消息，事發至今，兩母女只是透過契媽溝通，未見過面及通過話。
周一（ 16日），契媽原本打算接卓林回自己家暫住，卓林卻因門外有大批記者守候而鬧情緒，正在向吳綺莉報告卓林狀況的契媽，遂把電話遞給卓林。卓林知吳綺莉在電話另一邊時，她推開電話，然後大嗌：「 Oh！ My God！」，仲即刻衝入廁所失控狂哭，不欲見人，契媽亦嚇了一跳。
卓林情緒起伏大
本周三（ 18日）早上，本刊向吳綺莉求證卓林狀況。吳綺莉承認現時她們主要透過契媽作中間人溝通，即使卓林出院，兩母女也未知幾時見面。吳綺莉承認周一卓林確有在醫院鬧情緒，並表示現已安排心理醫生開解卓林。
吳綺莉表示：「當日卓林知我喺電話嘅另一邊，係有大叫『 Oh！ My God！』，冇聽我電話，仲匿入廁所狂喊。我諗佢知道一出院就要見人，又唔知點面對我，所以唔敢出院。
「我驚佢做傻事，依家有心理醫生評估卓林，等心理醫生開解佢。其實佢得十五歲，我都覺得自己高估咗佢嘅心智。聽契媽講，佢一時好開心，一時唔開心……希望心理醫生可以令佢情緒平穩番。」
默認與吳母關係差
吳綺莉一個人孭起頭家，每月開支十萬，壓力不小。問到被指與有米母親近年關係是否不大如前，經濟壓力倍增?吳綺莉嘆了口氣說：「屋企嘢唔想講，依家得番我同我嘅囡囡兩個囉。屋企冇其他人，我唔可以俾太童話嘅世界佢，萬一我突然唔喺度，佢會接受唔到。我講過如果我唔喺度，阿女可以搵邊個 auntie，可能咁搞到佢好驚冇咗我。」
卓林情緒未知何時回復，幸好她的學校快將放復活節假期，卓林可以在契媽寓所暫住，假期後才復課。吳綺莉在訪問中不斷重申:「我都唔識講自己嘅心情，不過依家最緊要係個女嘅情緒，我會如常工作。」對女兒的緊張，溢於言表。
不過被問到涉嫌藏毒一事，吳綺莉就不欲多談，表示已交律師處理。希望這次虐兒事件只屬小風波，兩母女可以早日團圓。
娛圈契媽多
藝人不時因為工作關係，互相投緣而上契。這些密切關係，不少延續多年。
酗酒必出事
吳綺莉因酗酒被揭涉嫌虐兒，其實不少藝人都好杯中物，幾杯落肚就出事！
|
鍾意就快D Share啦！
|
|
|