日本最美公主 佳子自我奔放 [忽然1周 - 1027] MW,

20歲成年

出外埠

日本最美公主　佳子自我奔放

日本有「超萌公主」美譽嘅日本秋篠宮親王第二女佳子公主，舊年年尾（ 12月 29曰）生日亮相後，因樣靚兼清純可愛成為全球網絡大熱人物，更俾一眾宅男封為「女神」。

其他影片：>>日本公主逐個數

不過咪睇佳子公主表面好乖女，查實佢都有硬頸一面㗎。 14年，新思想嘅佳子認為學習院大學（皇室及貴族子女首選）仍流於古老教法，已不合時宜，二話不說擅自退學而改讀國際基督教大學（此事曾喺皇室掀起軒然大波）。我行我素嘅佳子一於好少理，今年 1月已正式入學㖭。據講活潑嘅佳子仲會加入大學游泳部，消息一出，除咗網絡一眾男粉絲外，學校嘅男生亦話等住睇佳子着比堅尼游水喎。嚇到日本皇室嗱嗱臨發出聲明話，「希望粉絲不要做出過分迷戀舉動，以免影響佳子」喎﹗

見到佳子咁得人追捧，再睇番我哋香港特首 689個女，不由嘆句﹕家教真係好重要㗎﹗

佳子 8歲時，跟家姐真子公主、爸爸秋篠宮親王文仁（即日本天王明仁第二仔）、媽媽紀子合影。睇真啲，佳子細細個已經係美人胚子。於 20歲生日禮當日（大圖），喺名貴珠寶襯托下，更明艷照人。

佳子本月初訪問岡山縣時，因俾傳媒報道佢身穿嘅套裝係價值港幣約 66,000元嘅 Chanel，遭網友狂批佢「奢侈」、「浪費公帑」。但雜誌《女性 seven》查證，呢套係普通套裝啫。

黑白皆宜

早前，佳子參拜伊勢宮，一襲全白長大衣，非常優雅；之後再以黑色長及腳眼大衣到傳說首位天皇——神武天皇陵，報告自己已成年。無論黑或白，對佳子嚟講，一樣清秀可愛。

唔講唔知， 20歲嘅佳子，其實同一般 18、 22女仔一樣，熱衷於 K-pop，睇佢都跳得有板有眼。

鍾意就快D Share啦！

下一篇 》