掃呢頁CODE去手機

2015年4月16日 星期四

冇仇報 被爆追佘詩曼 唐文龍龜縮速逃 [壹週刊 - 1310] 佘詩曼,唐文龍,M1,



探熱針

冇仇報 被爆追佘詩曼 唐文龍龜縮速逃

相隔十五年,經典電視劇《十月初五的月光》以原班人馬上陣搬上大銀幕,昔日曾與張智霖傳緋聞的佘詩曼,為免觸動張太袁詠儀神經,亦識做避忌;可惜顧此失彼,被有份演出的薛家燕踢爆唐文龍當年也曾力追阿佘,「舊情」被揭,唐文龍尷尬到連慶功都唔去,滾水淥腳搭船速逃。

愈講愈錯

電影版《十月初五的月光》日前在澳門舉行記招,家燕姐與唐文龍接受訪問時突然爆響口,「其實你(指唐文龍)可以追阿佘喎,我覺得當年已經追過,睇大家眼神就知。」

兜口兜面被翻舊賬,唐文龍即時被拋窒:「佢(指阿佘)大把人追唉,我唔知點講,放過我」

之後愈講愈錯,「冇呀,同佢咁多年朋友,佢大把人追,佢同我個 friend拍過拖嘛!」面都紅晒的唐文龍,急到語無倫次。



電視劇裡,唐文龍暗戀佘詩曼,原來現實生活中,的確發生過同樣的情節。

十五年前的初哥哥與君好再合作, Chilam與阿佘呢對過氣緋聞情侶,唔知會唔會再撻着呢?



劈到半夜

《十月初五的月光》在澳門慶功,佘詩曼、莊思敏和張松枝在傍晚陸續到場,狂玩狂劈,逗留到半夜十二點才離去。



該片老闆周焯華、蕭定一宴請全體劇組食葡國菜,離去時張智霖避與佘詩曼同行。

慶功甩底

當年追唔到阿佘的瘀事被踢爆,唐文龍尷尬到連跟阿佘同場都唔願,索性避席晚上的慶功宴。

「嗰晚陳喬恩都冇去慶功,因為佢唔係好舒服,一早講咗唔去;唐文龍本來就話去,但突然又話要返大陸做嘢嚟唔到。無端端俾家燕姐踢爆佢追過阿佘,十五年前嘅舊事,加上阿佘而家仲係咁紅,佢梗係尷尬最慘嘅係冇仇報,唔可以鬧爆料嗰個嘛!」在場工作人員說。

唐文龍「消失」,阿佘安心,在慶功宴上跟蕭定一及周焯華,甚至連碰不得的張智霖,亦有講有笑。

《十月初五的月光》電影版一樣在澳門取景,一班演員再次碰在一起,陳喬恩新角加入,希望能成為另一經典之作。

陳喬恩快上手

電影版《十月初五的月光》除了原班人馬外,還加入台星陳喬恩扮演啞女糕餅師傅的新角色。「電視劇裡面嘅初哥哥,最後係會講番嘢,所以 Chilam今次係會有聲演,而手語方面就落重咗喺陳喬恩身上,咁嘅安排係鋪佢兩個有感情線,陳喬恩學嘢好快,手語難唔到佢,拍嘅時候臨時改劇本要佢即學即做,都好快上手!」一名工作人員說。

鍾意就快D Share啦!