全城熱爆的娛樂八封新聞 & 時事趣聞 & 生活 + 趣聞
15歲仲有兩個月先滿十六歲嘅超欣，比大家姐超盈高瘦，有台型得多。
小學畢業後就去咗英國讀書嘅何家四房孻女何超欣，復活假期返咗香港探老豆，上星期三（四月八日），四太梁安琪帶埋大女超盈同超欣全女班去咗利園 Cova歎下午茶。三母女 gathering，四房男丁全部冇份。
女大十八變，嚟緊六月先十六歲嘅超欣，愈大愈省鏡，何鴻燊當年預告細細女「靚到不得了」，果然有眼光！飲 tea個半鐘，三母女分三架車走，《壹》仔上前問候賭王近況，四太笑笑口話何生身體好好，但因為現階段仲係有流感，為安全起見，少咗出街。冇所謂啦，反正超欣有長假就撲返嚟，賭王有靚到不得了嘅寶貝女陪，肯定生猛！
13歲女大十八變，超欣愈大愈靚女，同哥哥猷君一樣，絕對係四房傑出之作。
14歲
見到《壹》仔鏡頭，四太即刻通水話俾超欣知。
超盈架車最後到，三母女分車走，有錢人，車多司機多，係好合理嘅。
超欣走先，四太就留低等埋超盈一齊走。
