全城熱爆的娛樂八封新聞 & 時事趣聞 & 生活 + 趣聞
滿載而歸，搬搬抬抬粗重功夫，梗係由黃浩然負責
原本要埋位拍大台重頭劇《呂后傳奇》嘅黃浩然，因為女主角佘詩曼臨陣縮沙，搞到套劇胎死腹中，黃浩然亦被安排接拍另一套時裝劇，但仲要等緊監製吹雞先埋位。
忽然得閒，黃浩然決定幫愛巢換新裝。上個禮拜四（四月九日），兩公婆孖咇行銅鑼灣宜家買燈飾，黃太 KaKa仲買咗兩幅畫，之後埋單俾錢安排送貨。拍劇要日接夜夜接日，屋企大小事同兩個仔都要老婆一腳踢睇晒，黃浩然是日終於可以攞番話事權，拎嘢俾錢，都係佢嘅！
無論買乜，兩公婆都有商有量。
燈款花多眼亂，不過黃太做開形象指導，難佢唔倒。
揀咗幅動物圖案掛畫俾囝囝，兩公婆等職員安排送貨期間，繼續研究傢俬店目錄。
攞車走人，柴可夫黃浩然同《壹》仔講拜拜。
