全城熱爆的娛樂八封新聞 & 時事趣聞 & 生活 + 趣聞
天才，一定係 inborn；氣質，亦都係！粵語片年代，做工廠妹最拿手最神似嗰個，係陳寶珠，唔係天生高貴氣質嘅蕭芳芳。
後生走型格，步入中年後，高貴嘅蕭芳芳依然有型有款。早排《壹》仔喺金鐘太古廣場見到佢同老公張正甫，加埋細女張雅琹去超市入貨；一家三口乾濕貨連盆栽都買埋，玩咗大半個鐘，兩母女去俾錢，張正甫去攞車，分頭行事。六十八歲蕭芳芳，有腰冇腩，線條依舊，面口即使留有歲月痕跡，但全冇後天修理，比大台嗰班後生花旦更自然順眼。醜人多八怪，有道理！
七張在望嘅蕭芳芳， keep到咁嘅樣同 body，絕對係八珍偶像。
停低車後，張正甫第一時間落車幫兩母女搬嘢。
