拍戲經驗尚淺的陳凱琳，拍嘴戲卻駕輕就熟，一啲都唔怕醜。
探熱針
陳凱琳三嘴鄭嘉穎
45歲鄭嘉穎被指與 23歲的陳凱琳撻着， Grace更被拍到出入男方寓所，事後鄭嘉穎雖以「對方只是嚟借碟」解畫，但卻補多句「唔會冇可能」迎接新戀情。上週五（四月十日），一對「戀人」在薄扶林為新劇《殭》開工拍嘴戲，鬼妺仔 Grace主動又唔扭擰，話嘴就嘴， amazing！
一撻即着
同國產模徐靖雯見光死後，過去幾年，外界對有關鄭嘉穎的感情生活一片空白；直至最近，被踢爆與大台處女陳凱琳合作新劇《殭》假戲真做，女方更摸上他位於大坑的寓所短聚兩粒鐘。
「忘年戀」斷正，鄭嘉穎態度開放。「乜都係由朋友開始，年齡唔係考慮因素。」男方開綠燈，陳凱琳亦有晒反應，力撐對方唔「花弗」：「每個人都有過去感情，人會變！」
據了解，二人已暗交兩個月，幾乎係一撻即着！
「頭兩日埋位，嘉穎已經覺得呢個女仔好 eye catching，加上 Grace又主動，同嘉穎自拍跟住交換電話 send相，又會拍完一個 take就叫嘉穎俾意見， Grace真係好知道啲男人鍾意乜，有個靚女當自己偶像，係男人都冧」一名劇組人員透露。
冇花冇假
上星期五，一對「戀人」拍拖開工，當日劇組拉隊到薄扶林附近拍外景，先拍鄭嘉穎個人戲份，有排都唔使埋位的陳凱琳站在攝影機旁，寸步不離盯實。
一眼關七的鄭嘉穎發現有記者，馬上通知女友，二人亦刻意保持距離，各自各同工作人員傾偈，甚至背對背企，玩避忌。經過一輪熱身後，鄭嘉穎主動走埋對方身邊傾偈，三言兩語，已氹到陳凱琳開懷大笑，一雙大眼，不停放電。
之後二人埋位拍對手戲，試位時，因為落住毛毛雨，鄭嘉穎細心幫女友打傘。
拍嘴戲先嚟落雨，特別浪漫！演齡尚淺的陳凱琳表現投入，一 roll機，即雙手攬實鄭嘉穎就嘴埋去，全無借位，連嘴三 take，導演滿意收貨。
|
鍾意就快D Share啦！
|
|
|
