全城熱爆的娛樂八封新聞 & 時事趣聞 & 生活 + 趣聞
學 Sammi話齋，努力做運動，都係為咗可以放心咁食，相信幾乎隔日就放健身相到微博嘅梁烈唯，應該同 Sammi一樣諗法。
早個禮拜，《壹》仔撞到唯唯同太太 Tina去圓方睇戲，見仲有時間，走咗入 Caffe HABITU醫肚。老婆個餐嚟先，唯唯唔客氣幫手食，食完半隻蛋，再𡁻埋條脆卜卜嘅煙肉；等到自己個餐上枱，更加唔使十分鐘，清晒！之後老婆買爆谷入場，仲未飽嘅唯唯又係咁食。咁擦得，好在佢健身當返工，真係趕鬼入趕鬼出。
自己個餐未到，唯唯打老婆主意，隻蛋同煙肉佢嘅，頂住先。
食完厚多士餐，去到戲院，未入場又喪啪爆谷。
唔戒口，唯有做運動補番數。
