網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月30日 星期四

密冚 5年 周麗淇隱形老細 [壹週刊 - 1312] 周麗淇,M1,



近年中港不停飛,原來 Niki已搵到財團注資北京、上海開鋪。

探熱針

密冚 5年 周麗淇隱形老細

去年憑電視劇《衞子夫》在國內打出名堂的周麗淇,拍劇剪綵長做長有,但原來 Niki除了在幕前搵食,五年前更膽粗粗投資千萬,在禮頓道開設 6000呎超豪髮型屋「 La Mod」,開業兩年後更拓展做埋美容護理。見生意愈做愈好,去年底決定開分店,並成功與 Shisedo合作推出美髮及美容產品。密冚五年做隱形老細,據知 Niki正計劃殺入中國市場,準備八月及今年底在北京、上海開設過萬呎分店,富貴無人知。

被潑冷水

入行十三年的 Niki周麗淇,原來五年前唔聲唔聲已成為老闆級,投資千萬在銅鑼灣開設超豪髮型屋「 La Mod」。

「 Niki好明白花無百日紅嘅道理,將做幕前賺返嚟嘅投資生意,錢搵錢,佢覺得扮靚係無論男女都一定 buy,所以搞 salon,仲要做最豪華嗰種,禮頓道間鋪有成六千呎,上手係霆鋒間製作公司,佢搬走之後 Niki就接手租咗嚟開 salon。」知情者說。

密冚五年, Niki一直將老闆身份保密,只有幾個身邊人知道她食緊大茶飯。

「就算介紹圈中朋友去做 hair spa, Niki都冇同人講自己係老闆,話係朋友開。當初 Niki決定搞生意,身邊個個潑冷水,但佢覺得冇嘢係冇可能,做到成績,自然會有人認同。」

本週二,周麗淇到禮頓道巡鋪,到舊鋪開完會,再落新鋪打點。

La Mod與 Shisedo合作開分店, Niki好友甘比更俾面撐場。

近年轉戰商界的劉嘉玲,原來被 Niki視為奮鬥目標。

親自挖角

本週一(四月二十七日),去年底已開業的 La Mod第二間分店終舉行開幕禮,好友甘比、謝天華、楊小娟都有撐場, Niki終於公開老闆身份。

「大家只知係鋪頭開幕,但無人知 Niki有間六千呎嘅總店,仲要做咗五年,其實 Niki已經 plan好喺北京、上海搞,內地地方大,啲鋪有成萬呎,八月同年底就開。」 Niki身邊人說。

Niki的 salon旗艦店,前身是謝霆鋒的製作公司。

《衞子夫》受歡迎,電盈旗下的香港電視娛樂,獲發 12年免費牌照,亦計劃以林峯、 Niki拍劇響頭炮。

Niki投資 salon五年,一班圈中好友都毫不知情。

做完分店開幕禮當晚, La Mod在銅鑼灣西苑舉行 Annual Dinner,但未有招呼圈中人,只請了卓韻芝擔任司儀。晚上七時, Niki以老闆身份到場打點,與員工打成一片。公司有錢賺,周老闆特別闊綽,送出來回機票,及八萬元現金給同事抽獎。

「管理一間公司唔容易, Niki話做 salon人才最重要,呢幾年來佢都會親自挖角,又經常落去巡鋪,同員工打好關係,等大家對公司有歸屬感。」

早前因為在家中夾傷腳, Niki被迫辭演內地電視劇,卻令她有更多時間,投放在 salon生意上。本週二(二十八日)下午二時, Niki與助手到禮頓道雲翠大廈總店巡鋪,逗留一小時後,又匆匆趕往一街之隔的新店開會,做老闆,親力親為。

本週一, Niki投資的 salon舉行 annual dinner, Niki低調到場,與員工打成一片。

唔聲唔聲, Niki已是管理 65位員工的 CEO。

Niki簽約林建岳、小齊後,發展理想,工作不斷。

發大嚟搞

09年周麗淇秘密投資做生意,租用謝霆鋒製作公司舊址開始搞超豪髮型屋 La Mod,五年間生意愈滾愈大。

總店:禮頓道雲翠大廈地下

面積: 6,000呎

員工: 45人

服務性質:一般美髮、護髮服務,設有六間獨立 VIP房做 hair spa及按摩,兩年前增設美容及美甲部。

開業年份: 09年

分店:禮頓道 54號地下

面積: 2,000呎

員工: 20人

服務性質:首間與 Shisedo合作的 hair spa店,內有獨立 VIP房做 hair spa及按摩。

開業年份: 14年

星級老闆

藝人從商,知名度有助發展業務,無論賣魚蛋抑或開酒莊,細有細做,大有大做。

劉嘉玲

劉嘉玲生意為主藝人為副,時裝、飲食、家品瓣瓣有,於上海大搞夜場 Muse, 13年再搞埋飲食生意,甚至投資千萬進身家品市場。

張玉珊

01年退出娛樂圈轉戰商界,創辦修身堂,提供纖體及美容療程,短短兩年,修身堂成功在香港創業板上市,她亦成為當年香港最年輕的上市公司女總裁,並逐步將公司業務北移。

趙薇

11年,與有米老公黃有龍豪擲 4,200萬港元收購法國波爾多「 Chateau Monlot」葡萄酒酒莊,短短一年即有成績,趙薇獲得世界知名的法國茹拉德騎士勳章,去年底,再斥資近 31億買入阿里影業股份,成為公司第二大股東,搖身一變成了星爺周星馳的老闆。

鍾意就快D Share啦!