全城熱爆的娛樂八封新聞 & 時事趣聞 & 生活 + 趣聞
中年發福，著得又街坊，但笑容又真又開心。
無綫重播 23年前神劇《大時代》，首集收視創十年深宵時段新高，網上點播率亦贏晒黃金時段三線劇，唔係講笑，若果大台夠膽重推《民間傳奇》，網民見到周潤發、杜琪峯做清兵，一樣開心到癲咗。
真心㗎！與其要我晚晚見到蓋鳴暉，不如嗌番 84年港姐唐麗球同佢老公吳毅將出嚟拍劇啦，雖然一個 C9，一個中佬，但肯定易哽過九唔搭八戲又屎嘅名伶。早排《壹》仔喺九龍城見到匿埋屋企湊女十幾年嘅唐麗球，同間中會返內地拍劇嘅吳毅將拍拖上糧，冇靚衫冇名牌包包，兩公婆仲中年發福圓碌碌，但笑得開心，人一個。大台可以諗諗喎！不過就算唔諗唐麗球、吳毅將，都唔好再用蓋鳴暉放過我，唔該！
店員推介凍肉，唐麗球仔細研究食物標籤，好小心。
買完嘢，吳毅將攞住銀包等俾錢。
《水髮胭脂》入面嘅陳豪竟然對蓋鳴暉有意，簡直想死！
