諸葛開戲撐栢芝 協議保證唔失場！
藝人張栢芝因被前經理人指摘欠專業被飛出新片，不過欲在影圈大展拳腳的諸葛紫岐卻非常欣賞栢芝，投資過億的新片堅持起用她孭飛做女一，諸葛因而與老公薛嘉麟拍枱吵大鑊，向來恩愛的夫婦倆更冷戰一星期！最後諸葛要求栢芝簽訂協議書，確保拍戲期間不會無故失場，若有違反協議，栢芝需作出天文數字的賠償。
栢芝之前被前經理人陳嵐炮轟演員操守有問題，扮大牌失場有欠專業，將她飛出新戲女主角，更揚言以後各走各路，永不錄用，事後栢芝透過經理人回應可能是雙方理解上的誤會，之後引發連串是非。身為星韜娛樂公司老闆的諸葛紫岐，正籌組公司並投資過億開拍創業作，物色演員時，諸葛力排眾議，並宣布新戲找栢芝任女主角，其他女演員還有大陸女星楊冪及台灣女星郭采潔等。
「投資風險高」
據知，諸葛因年前曾與栢芝合作拍《最強囍事》一片，當時諸葛已很欣賞栢芝，覺得她個性堅強，尤其是有感栢芝作為單親媽咪，要獨力照顧兩子十分難得。本身亦是媽咪級的諸葛，有時照顧兒子也會感到心力交瘁，所以力撐栢芝，但是起用栢芝，除了有不少電影友好作出規勸外，竟觸發諸葛與老公薛嘉麟嚴重意見分歧，向來是愛妻號的薛嘉麟，認為在商言商，找栢芝拍戲投資風險過高，但諸葛卻堅持力撐栢芝，結果兩人各不相讓，拍枱吵大鑊收場，更是婚後首次鬧交，冷戰長達一個星期！
唔係鍾意就做
諸葛為了堅持己見，加上此片還有其他投資者，遂要求栢芝簽訂雙方協議，協議列明開拍電影期間，不能無故失場等多項條款，實行互相保障，若栢芝一方有違反協議，便需要作出天文數字的賠償，據知栢芝公司願意簽下這份協議。另方面，記者昨日致電薛嘉麟，問到與太太吵大鑊一事，他直認不諱：「做嘢有唔同意見好正常，公司開會成日都表達唔同意見，大家贊成、唔同意好正常，拍枱都唔出奇，不過要公還公、私還私囉，唔好帶返公司，等如唔好將屋企嘅嘢帶返公司一樣。」他續說：「做生意做投資要謹慎啲，尤其是做藝術呢行，唔係自己鍾意嗰樣嘢就得，要多方面去評估，評估市場，仲有好多唔同因素，評估唔晒，唔可能鍾意就去做，咁樣唔係做生意！」問到諸葛，她亦承認確為此與老公吵大鑊，自己亦不開心，對於找楊冪及郭采潔演出，她承認：「係傾緊，但詳情唔講得住，要等正式公布。」記者聯絡栢芝，惟截稿前仍未有回應。
文：名人組
|
鍾意就快D Share啦！
|
|
|