熱爆娛樂: 咪嬲豬呀！愚人節邊個先係整蠱專家？ [FACE

2015年4月1日星期三

4月 1日係愚人節，呢日無論俾人點整蠱都唔嬲得，所以做好俾人玩嘅心情未呀？全知言問咗啲演員、歌手睇吓佢哋有冇俾人整蠱過或者整蠱人，先知原來 Evelyn（蔡穎恩）係危險女友嚟㗎！

我情人節嗰陣扮咗個男裝， post咗張相扮係我扮細佬徵女朋友，得到嘅 feedback有好多女仔嚟問我攞 WeChat呀、 facebook呀、電話呀咁，但我統統幫我細佬整走晒，因為我細佬去咗拍廣告，捧咗佢做明星喇！（最尾兩句係糖妹整蠱你哋咋！）

網上圖片

咁好心機扮男人又寫晒徵友留言，唔怪得啲人中伏

我試過同初戀男朋友講，好凝重咁講，我好對唔住你呀，我做錯嘢呀，我一腳踏兩船，仲同朋友夾計整咗啲曖昧嘅 message，結果佢好嬲好嬲好嬲，最尾我哋叫佢睇埋啲 message最底嗰句，跟住佢碌碌碌就睇到「愚人節快樂」，跟住佢成晚冇同我講過嘢喇！最後我要嗲番佢同埋扮小丑囉！

喺美國讀高中時，啲同學整我，攞堆屎，用紙袋包住跟住點火，擺喺我屋企門口，一開門見到有火，會踩嘛，但係我知道佢哋整蠱我，因為電影上面有見過呢個畫面，嘻嘻！

左起： Tyrese、 Gordon、 Lincoln

有個自己幾有好感嘅女仔用短訊向我表白，嘩真係幾開心！傾咗幾句以為當真，點知原來係玩我，嗰時自己未拍過拖，以為中獎，原來都冇買彩票！

分別喺尖沙咀、旺角同銅鑼灣訪問咗幾十人，但似乎香港人唔多興玩整蠱，或者俾人整蠱咗都唔記得，今年愚人節不妨玩吓啦喂！

試過有人打嚟話我中咗獎，又試過叫我起身屙夜尿，識得㗎，我鬧番佢：「你黐線㗎？」

見過有人在大廈頂樓聊天，男生突然掉下去，掉落一樓，把女生嚇倒，跑過去發現下面有氣墊床，原來沒事。

鍾意就快D Share啦！