網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月22日 星期三

邵仲衡炒股過來人 「似食鴉片,始終輸凸」 邵仲衡,



邵仲衡炒股過來人 「似食鴉片,始終輸凸」



其他影片:>>






《大時代》真係咁瘋狂?孝蟹:堅有丁蟹效應

邵仲衡在《大時代》中演丁蟹長子丁孝蟹兼黑社會大佬,他早前在尖沙嘴接受訪問,談起近日《大》劇重播引起坊間迴響時,笑笑口說:「諗番都幾好笑,一套劇咁耐出番嚟,啲人有咁大嘅反應,做呢行嘅人係咪要諗吓點解、係咪做創作嘅人冇咁企理呢?做呢行生意嘅小組領袖要諗諗。𠵱家間唔中至有呢啲所謂神劇,唔得㗎,一年至少要有一兩套先夠。」



■邵仲衡表示丁孝蟹一角,原型來自《淚眼煞星》的殺手主角。攝影:陳志嵐

「困住兩日兩夜拍」

之前《大》劇每次重播都會有人提起,亦不會覺得過期,邵仲衡說:「我之前喺內地做嘢仲成日播,𠵱家啲人仲知道我係孝蟹。係啲髮型、衣着有啲突兀囉,戲(劇情)就唔會過期,可以話冇乜時間限制。一世人參加過呢啲製作好過癮,夠晒嘞。」他表示拍攝時可以用「瘋狂」來形容,在片廠搭出聯交所,日以繼夜拍攝:「一拍就拍幾日幾夜唔返屋企,因為要就個景,以前衰極都有幾個鐘休息。《大》劇係不停困住喺個廠兩日兩夜,拍晒為止,拍到第三日至完,梳洗咪喺公司搞掂。嗰時TVB會出封感謝信,感謝你無私奉獻。」

當年的劇本邵仲衡表示是無出其右,除了韋家輝之外還有編審曾謹昌,他形容二人合作就算不是天下無敵,都是認了第二沒人敢認第一。當年孝蟹的角色原型是來自日本漫畫《淚眼煞星》,他說:「初頭海報我張相隻眼有滴眼淚喺度,佢出場好有氣勢,你見佢講嗰句『我連最心愛嘅女人(李麗珍)都可以推落街』就知佢有幾狠辣。個原型係來自《淚眼煞星》嘅殺手主角,就算孝蟹跳樓自殺嗰場,佢都比其他兄弟更加有決心。」



【邵仲衡】

丁孝蟹,丁蟹的長子,黑社會「忠青社」的龍頭,其後與方婷相戀,但因父親丁蟹入獄,為報仇命令手下將方婷等人拋落樓。

「丁蟹效應一定有」

對於電視台重播《大》劇,邵仲衡覺得會引發「丁蟹效應」,他分析說:「丁蟹效應一定有,啲人已經認同咗有呢樣嘢,呢個效應幾好呀,有藉口沽貨。同埋股市其實係同人心有關,人心認定咗有呢件事,呢件事就存在會出嚟沽貨。」他覺得原理跟股市圖表一樣。離開電視台後邵仲衡從事改裝越野車生意,在公司閒來無事就對着電腦炒股票,每日買入買出的股票價格達七位數,他說:「有位世叔伯周南(爪皇系已故馬主)同我講『唔好玩呀,都冇用㗎,好似食鴉片煙咁,贏幾多死番落去,始終都輸凸。」

經過幾年炒股生活後,邵仲衡卒之抽身而出:「玩玩吓你就會玩即日鮮、篤手指,真係好壞品,對錢個概念錯晒,覺得嗰啲唔係錢嚟,有時仲為啖氣。你問我,未玩過唔好玩,玩緊嘅𠵱家趁好(市)放晒佢。」

撰文:何永寧

場地提供:The Air(The One)



■曾瞓身玩股票的邵仲衡,表示炒股會令人改變對錢的概念,絕非好事。

鍾意就快D Share啦!