家住將軍澳、學校在大埔，但 Carrie仍堅持不住宿舍，為的是盡可能抽空陪家人，「星期六、日係家庭日，好少約朋友出去！」
U花 U草
教院索女 六個小孩的老師
由楊千嬅主演的《五個小孩的校長》，真人真事改編感動千萬觀眾喊住離場，票房大收破四千萬。
票房收得只因電影有血有淚，同樣愛心爆棚的 20歲沈嘉怡（ Carrie），現就讀香港教育學院英國語文教育 Yr.3，三年前朋友介紹下開始為有學習障礙的 4歲小朋友補習，一開始小朋友對她不瞅不睬，更不停掟東西發脾氣，不過 Carrie耐性爆燈，「補咗兩年，𠵱家有個男仔仲話要娶我做老婆！對小朋友最緊要有耐性！」
回想起三年前第一次上門補習， Carrie記憶猶新，「未上對方屋企之前都知小朋友有學習障礙，佢係一個讀國際學校嘅四歲小朋友，家長唔想畀人知，所以就安排人上門教，一上到去小朋友對我好抗拒，上堂又好唔專心，甚至會用鉛筆掟我，又無啦啦尖叫或者大喊！其實佢哋情緒失控係因為冇信心，只要我畀多啲肯定佢、畀信心佢，情況就可以改善，到咗第八、九堂，我哋關係已經好好，小朋友仲話要娶我返屋企！」
Carrie現在已經是六個有學習障礙小朋友的補習老師， Carrie更在學校以外報讀有關學習障礙的證書課程進修自己，相當有 heart！「好多人補習都會補正常中學生，其實學習障礙的學生有好多，大家都忽略咗佢哋。」
|
鍾意就快D Share啦！
|
|
|