理大新劇夠激 玩 hehe互摸錫頸 [FACE - 413 - 大專校園] MF,

Sunny（左）同 Jeromy（右）在劇中要激烈互摸，兩個七情上面，十足真 hehe！

U Spy

理大新劇夠激　玩 hehe互摸錫頸

睇開大學啲劇社表演，主題一係就講追夢，一係就係連錫都要借位嘅愛情故事，睇到觀眾到喉唔到肺，不過 Spy就八到嚟緊 5月 22、 23日理工劇社嘅周年公演（ Annual Performance）夠晒爆，又有 hehe（男男）互摸、又有情侶真咀，真係好突破！

Michael（左）同 Lily（右）排戲前互不認識，劇中飾演曖昧嘅「兄妹」關係， Michael話：「就算戲外我為咗投入角色，我都當佢阿妹，對佢好好！不過當然冇非份之想」

呢套咁爆嘅舞台劇，其實係改編自麥曦茵電影《曖昧不明關係研究學會》，故事係講大學生嘅曖昧關係，當中有男男室友、男女同學日久生情嘅劇情，飾演男 hehe室友嘅 Sunny就話：「其實 hehe好正常，都係一種愛，今次排戲有機會畀我留意男同性戀嘅行為舉止，為咗演得似啲，我有參考《春光乍洩》同其他文章，甚至請教同志朋友，開始都有啲尷尬，要同男對手互望，好唔自然，仲要互摸！因為我唔係同性戀，所以尷尬一定有，不過後來代入個角色，真係鍾意呢個人就唔會理係男定女！」而另一幕男女互咀嘅女演員 Lily就同 Spy講，唔怕男友唔鍾意，「我男友好支持我演出，佢知我有呢場咀戲，佢話到時會入場支持添！」

副導演羅文浚

「麥曦茵個劇本身冇咩咀同互摸嘅位，係我哋自己加入去，希望畫面豐富啲，破格少少！」

鍾意就快D Share啦！

下一篇 》