網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月8日 星期五

復合 8年 獲 18歲倚榕接納 李麗珍潘源良首同居 [忽然1周 - 1032] 倚榕,潘源良,李麗珍,許倚榕,MW,



三離三合

李麗珍與潘源良三十年來經歷三次離合,第一次在 86年,第二次在 92年,兩次只維持半年時間。直至 07年二人再走在一起,至今 8年,李坦言人生中從未試過拍咁長拖。

滾熱辣

復合 8年 獲 18歲倚榕接納 李麗珍潘源良首同居

大台深宵重播 23年前舊作《大時代》,興起煲劇熱潮,亦令劇中人再度翻 hit。飾演方家二妹方婷的李麗珍,劇中對孝蟹癡心一片,現實中,她入行多年,男伴不斷,其中與髮型師 Jacky Ma一段孽緣更轟動全城。在情路兜轉多年的她,最終於 07年翻撻舊情人潘源良。

人到中年才走埋一齊已經難得,可惜一直有指李麗珍女兒許倚榕不肯接受這位 Uncle,導致二人長期各有各生活。本刊收到消息,經過八年與倚榕磨合相處,潘源良終成功𠱁掂她接受自己。如今最大阻力消失,一直分開住的李麗珍和潘源良,近日亦已秘密搬到深井碧堤半島。與珍妹首嘗同居試婚的潘源良,周二( 5日)向記者坦認已經一齊住:「係呀係呀,一路都一齊㗎啦,你哋都知啦,唔使再問我!」







對於女兒一直抗拒潘源良,李麗珍早前在訪問中直認不諱:「可能佢未試過同一個爹哋以外嘅男人相處,所以會有啲抗拒。係潘先生唔好彩,個女其實有啲呷醋,邊個出現喺我身邊都感覺會被分薄咗!潘先生有時會同我講,『佢(倚榕)又唔睬我』,所以當囡囡有時睬佢覆 email俾佢,佢(潘源良)開心得好緊要,仲笑住話個女終於覆佢。」由於不想女兒難受,因此李麗珍和潘源良相戀多年,亦被迫過着「分居」生活。男方多年來一直租住油麻地的 Studio過着半寡佬生活,極少踏入女友位於貝沙灣的香閨。

日日忙綵排

由於下個月在紅館舉行個人作品展,潘源良幾乎每天都會獨自外出與製作單位開會。問他珍妹會否參與演出,他笑笑口說:「佢嚟睇得㗎」

三萬築愛巢

潘源良每天綵排完便會乖乖回深井碧堤半島交人。據知二人所租單位逾千呎,月租三萬。

靠音樂𠱁「女」

明知倚榕不接受自己,但等足女神廿年的潘源良,排除萬難與珍妹再續情緣,亦試過扭盡六壬𠱁這個哎吔女兒。據知情人透露:「阿潘咁辛苦先追番珍妹,點會咁輕易放棄!佢知倚榕鍾意彈琴同結他,就成日話要教佢音樂,又試過陪佢去 Tom Lee揀樂器。最初倚榕唔睬佢,但阿潘得閒就 send WhatsApp俾佢,介紹邊首英文歌正,又同佢討論歌詞。其實倚榕今年都 18歲,都過晒啲反叛時期,所以上年去溫哥華讀書前,見到佢對阿潘啲態度好咗好多,起碼見到阿潘會叫佢做 Uncle。」

據知,現正在溫哥華讀書的倚榕,正值情竇初開之時,亦促成她開始接受 Uncle。「倚榕喺嗰邊好多人追,邊有咁多心思再放喺媽咪身上?早排佢先 send咗兩張男仔相俾媽咪,要媽咪幫眼睇吓邊個好啲。其實倚榕都開始明白自己遲早要嫁人組識家庭,媽咪身邊點都要有個伴照顧佢。」

對於與倚榕關係大大改善,潘源良笑笑口承認:「係呀,我哋個零月前仲去咗溫哥華探佢㖭!」

倚榕態度軟化

李麗珍視愛女如命根,由於她不想女兒不開心,因此一直拒絕與潘源良同居。直至近日在溫哥華讀書的倚榕,對 Uncle態度開始軟化,促使潘李二人正式築愛巢同居試婚。

在《大時代》飾演方婷的李麗珍,當時只得 26歲,她與丁孝蟹雖然相戀,但最終都要慘死對方手上。

賣豪宅做學費

自從去年倚榕到溫哥華留學,潘源良已開始部署,與珍妹同居試婚。知情人續說:「阿潘同珍妹講,話倚榕過去溫哥華讀書之後,既然大家都係一個人住,不如租一個大啲嘅單位一齊住,方便互相照顧。其實珍妹嗰時都未諗定,阿潘已經着手睇樓。因為佢間中要去荃灣有線電視返工,所以租樓都揀深井附近屋苑。」而潘源良最終都說服李麗珍,二人去年尾便以 3萬元租住位於深井碧堤半島一個逾千呎的四房單位。

周二( 5日),記者向潘源良求證他與珍妹在深井同居一事,他坦白承認:「一齊都好耐(之前你哋分開住喎?)係呀係呀,一路都一齊㗎啦,你哋都知啦,唔使再問我!」

雖然未試過同居生活,但李麗珍和潘源良早於 08年拍拖期間,已先後買入元朗加州花園及八鄉村屋作投資用,至今一直持有,兩個物業現時加埋已升值至 1,600萬。

冇脾氣易就人

人到中年,尋尋覓覓終搵到人生摯愛,除了緣份,亦取決於彼此性格是否合得來。自言脾氣極大的李麗珍,曾不下一次稱讚身邊人零脾氣,令自己想發脾氣亦覺唔好意思。「潘先生永遠唔會向我發脾氣,即使我做錯,都係佢嘅錯,最多我之後發現原來係我唔啱,我先會講唔好意思。其實佢知我嬲完一陣就冇嘢,所以佢成日都會講:『得你啱。』可能因為咁,我哋先可以維繫到依家。」潘源良亦曾經公開講過「最愛李麗珍」,可能因為這份寵愛,才可以箍掂任性的珍妹。

打本做生意

早年經歷 3P事件後,李麗珍形象蕩然無存,幕前工作幾近絕跡,但潘源良對她依然不離不棄,更打本給她搞自家設計的珠寶生意。

食無定時

忙於綵排紅館騷的潘源良,日日食無定時,連日在茶餐廳食碟頭飯醫肚,食完便會到附近公園打躉半小時,才返回工作室。

密密執賺千萬

向來喜愛投資磚頭的李麗珍,廿多年間先後試過買多層物業。由於眼光獨到加上唔貪心,每每揸貨短短一、兩年,見有斬獲便會放賣。因此多年來只試過一次失手要止蝕離場,其餘通通有錢賺,多年來累賺逾千萬。

瓣數多多

潘源良與李麗珍翻撻後,曾承諾會包起李麗珍的生活開支。為令珍妹安心,潘數年前便積極接 job,除了在有線講波外,早年更重新執導電影,又試過在幕前演出。更碌盡人情卡,下月在紅館開個人作品展騷,瓣數多且雜,搵得幾多得幾多。

紅館開騷

狂碌人情卡,搵老死阿 Lam、 Eric Kwok參與下月的紅館騷。

有線講波

在有線電視講波多年,寓工作於娛樂。

參與幕前

曾參與電影《同門》。做黑社會人物。

重做導演

早年重拾導演筒拍《出軌的女人》及《影子愛人》,惜票房一般。

鍾意就快D Share啦!