韓馬利已經步入花甲之年，不過活力比很多年輕人還要充沛，狂舞一個鐘也不喘氣。
娛樂喧
花甲 dancing queen 韓馬利舞出 23吋黃蜂腰
去年夏天， 49歲韓國大媽鄭多燕的健身舞風靡香港。唔講唔知， 60歲的韓馬利，自小練得一身好舞功，芭蕾舞、中國舞，甚至 Hip Hop、 Funky同 Zumba都跳得好，現時更跳埋瘦身舞。
活力十足的韓馬利，廿多年來 keep住兩份工，當演員外，更擔任 i Dance跳舞學校的行政總監。難怪體重一直 keep住 1百磅， 23吋黃蜂腰，羨慕死唔少後生女。
韓馬利年輕時非常任性，愛情至上等嫁，雖然 21歲已當上《陸小鳳》女主角上官飛燕，但對事業毫無野心。 30歲已經歷了兩次婚姻失敗，她說：「如果冇之前嗰兩段婚姻，可能我依家仲係一個好唔掂嘅人。」
生活冇安全感
韓馬利低潮時，幸得好友鄭明明陪伴，令她慢慢開竅。鄭曾向她說：「你唔可以靠 TVB一份人工，有一日公司唔同你簽約，咁點算？」自此韓馬利不斷自我增值，考獲國際美容師牌，她與現任 i Dance老闆 Grace搞完美容生意後，再合作搞跳舞學校。
「我由細到大都冇安全感，所以我一直 keep住做兩份工。依家呢份工可以做番我喜歡做嘅嘢，因為以跳舞為主。我鍾意講嘢、識朋友，每一日返工跳舞外，就係同客傾偈，搵到好多滿足感。」
韓馬利一直以為打兩份工身心亦能取得平衡，奈何三年多前竟患上焦慮症。
「有一日突然間食食吓嘢，手震、心跳、冒汗、唞唔到氣，好似俾石頭壓住，我唔知咩事。去睇家庭醫生，佢聽完我講病徵叫我走，話只係心理作用。我嗰時幾乎企喺度都冇力，仲有幻聽，聽到有把聲講『你冇鬼用㗎！你死咗去你知唔知你傻咗喇！你要入青山！』有幾次過馬路，我都想衝出去，不如死咗算數！」
最後韓馬利得到教會的姊妹幫忙，逃出鬼門關，「佢係心理醫生，話俾我聽係焦慮症！但我從來冇擔心過任何嘢……佢話香港人大部分都有焦慮症，係因為對自己要求好高，同自己競賽。當你做唔到，會埋怨自己，覺得自己冇用……」
跳舞醫焦慮症
經歷過焦慮症後，韓馬利才重新認識自己，學會接納自己唔係萬能。「冇咗健康，銀行有幾多錢又點！我嗰時有病（焦慮症），一粒藥丸都冇食過，因為跳舞可以抒發好多唔好情緒，仲會練到注意力，對個病好有幫助。」運動不但有益身心，又 keep到身材。難怪她一周最少跳三日，每次個半鐘，年過 60跳足一粒鐘都唔喘氣，勁過唔少後生女。
活力索 old嬋
圈中不少女星雖然踏入花甲之年，不過仍然活力十足，樣靚身材正。無論工作或運動，比年輕人一點也不輸蝕。
60歲趙雅芝
行善積德
近年來趙雅芝除了夥拍汪明荃，拍攝王晶的劇集《風雲天地》外，主要從事公益活動。樣靚年輕，身材苗條的她，坦言每日靠湯水進補 keep靚樣。
|
鍾意就快D Share啦！
|
|
|