2015年5月20日 星期三

硬撼金秀賢 宋智孝撇 Gary床戰新歡 [FACE - 417 - 外地娛樂] 智孝,金秀賢,宋智孝,MF,



近年宋智孝拍親劇都玩姊弟戀。 33歲的懵智去年就同 29歲的崔真赫拍《急診男女》玩翻撻;今年再玩多次,跟同樣 29歲的卞耀漢在新劇《前女友俱樂部》玩復合。網上圖片

韓飯台

硬撼金秀賢 宋智孝撇 Gary床戰新歡

對韓劇迷來說,呢個 5月真係好唔得閒,事關多套熱爆韓劇已於 5月出籠,除男神金秀賢相隔 1年 3個月推出的新劇《製作人》( Producer)外,仲有《 Running Man》女神宋智孝擔正的《前女友俱樂部》,唔怕死同《製作人》對撼。

去年懵智在《急診男女》翻撻前夫,今年拍《前女友俱樂部》又同前度玩復合,翻撻上癮。面對大敵金秀賢,宋智孝當然要搏盡演出,除出動美色着睡衣騷性感,仲同男主角卞耀漢上床大戰拍宣傳片,懵智呢次戰鬥格喎!

網上圖片

今次宋智孝要同男神金秀賢打仗,所以特別搏殺,拍宣傳片時就着住性感睡衣,同男主角卞耀漢玩床戰。

宋智孝覺得卞耀漢與緋聞情侶 Gary有乜分別?

做開《 Running Man》主持的宋智孝,一向有搞笑天份,早前她在《前女友俱樂部》發布會上,被問到卞耀漢跟「周一情侶」 Gary有什麼分別時,智孝 BB即巧妙地回答:「雖然該劇是逢週五、六播出,但我和卞耀漢除了週一以外,每天都見。感覺上 Gary是前男友、卞耀漢是新歡,我正抱着那種曖昧感覺,所以拍得好開心。」識得借 Gary做宣傳,懵智一啲都唔懵呀!

宋智孝去到邊都將緋聞情侶 Gary掛在口邊,今次拍劇亦唔客氣,攞 Gary做宣傳,話 Gary係佢嘅前度。網上圖片

《前》劇講述卞耀漢飾演的賤男漫畫家,公開自己與女強人、離婚有錢女及性感女星的情史。而飾演電影製作人的宋智孝,為救財困的公司,被迫接受將與前男友卞耀漢的情史搬上大銀幕。網上圖片

《前女友俱樂部》前週已開播,成績如何?

出席發布會時,懵智亦好識做,着住又薄又飄嘅短裙示人,行上台時更露出肉腿,抵佢俾人封做女神。網上圖片

韓國有綫電視 tvN製作的《前》劇,原本跟金秀賢孭飛的《製作人》同於 5月 8日首播,但之後《製作人》卻推遲一週於 5月 15日先開播。雖然《前》劇比《製作人》早一週出街,應有利收視,可惜收視不似預期,《前》劇首集只錄得 1.162%收視,之後還跌到 0.903%,就算以有線電視的收視計算,都只屬一般,令好多人跌晒眼鏡。

卞耀漢首次擔正做男一,有冇壓力?

早前宋智孝便繑住新拍檔卞耀漢手臂出席新劇發布會。只見懵智表現風騷,但卞耀漢就怕醜到硬晒軚。網上圖片

今年 29歲的卞耀漢,入行只得 4年時間,之前只拍過兩部電視劇,今次《前女友俱樂部》更是她首次擔正做男一,他於發布會承認:「是有壓力,但見到智孝前輩、允智前輩之後,我就提醒自己不可給自己壓力,應和大家一起開心拍攝。我雖然做得不好,但拍得很開心。」

鍾意就快D Share啦!
Related Posts Plugin for WordPress, Blogger...