李麗珍女兒許倚榕大個女又靚咗，去年到加拿大讀書， fb可見到佢同唔少外國朋友的生活照。
真面目
一家親 李麗珍 18歲女同潘源良破冰 前夫許愿：叫個女接受 Uncle
《大時代》深夜重播，帶挈劇中演員翻 hit，其中與「丁孝蟹」相戀最後卻慘被掟落街的「方婷」李麗珍，亦被激讚 keep得好。
現實中 49歲珍妹同潘源良拍拖 8年，近日終於開始同居。有傳珍妹女兒許倚榕一向唔鍾意潘源良，令珍妹曾經考慮分手，不過倚榕最近對潘源良態度有好轉，原來係生父許愿在背後發功，「阿潘係好人一個，咪叫阿女多啲接受呢個 uncle囉！」
04年爆出與髮型師 Jacky Ma的 3P淫亂事件後，幾乎退出娛樂圈的李麗珍，直至去年才重返大台拍《女人俱樂部》，回歸幕前。
深井同居
事業重見光明，珍妹與拍拖 8年的潘源良感情亦非常穩定，早前被發現以月租 3萬、同居於深井碧堤半島過千呎單位，方便潘源良去荃灣有線電視返工講波。
與前夫許愿育有一女許倚榕的珍妹，一直當女兒係命根，凡事都以女兒意願行先，之前盛傳倚榕唔接受潘源良做後父，令珍妹唔敢同男友住埋，兩母女獨自租住貝沙灣，更一度因此提出分手。珍姐亦曾透露：「囡囡未試過同 Daddy以外嘅男人相處，會有抗拒，同埋佢其實有少少呷醋，邊個出現喺我身邊都感覺被分薄咗！」
「阿潘係一個好人」
今年 18歲的倚榕，去年飛往加拿大 Dwight School升學，臨走前突然「批准」珍妹同潘源良同居。
許愿日前接受本刊訪問，雖然對前妻近期翻 hit或同居的新聞冇興趣，但就承認有叫女兒接受潘源良，「我同囡囡（感情）比較好，不嬲都有同佢傾偈。我覺得阿潘係好人一個，咁咪叫佢多啲接受呢個 uncle囉！最緊要係話佢聽，呢個係好人，梗係要尊重」
被問到會唔會睇潘源良下個月的作品展，許愿即冷淡表示：「冇咁嘅計劃喎！不過我知佢問公司攞咗隻〈赤裸的秘密〉放落佢個作品集，嗰隻歌係我嘅（做監製），都批咗俾佢用」不過當記者問倚榕有冇呻過想跟番佢，許愿就好識做，「咁耐嘅嘢唔好講喇！」
微妙幾角
潘源良將在下月 19、 20日舉行「最愛潘源良是誰作品展」，嘉賓會有林子祥、葉蒨文、關淑怡、陳慧嫻同達明一派等。潘源良話已經邀請李麗珍到時去捧場，不過達明一派的御用髮型師咁啱就係 Jacky Ma，到時後台分分鐘好睇過前台！幾角關係又複雜又尷尬，唔怪得許愿事先張揚唔會出現
|
鍾意就快D Share啦！
|
|
|
