2015年5月20日 星期三

朱慧敏仍然信任Eddie:除非被我捉姦在床 Eddie,朱慧敏,





其他影片:>>






如果女方痴心,可以換情深,男方就唔會成日被人影到佢去偷食喇﹗早前有讀者向《蘋果》爆料,指年初朱慧敏男友Eddie(彭迪安)攬過韓妹,更任由女方坐大髀,又被周刊影到佢同長腿妹夜蒲,又試過同仙樂都挨住行,話晒今年2月先宣佈求婚成功,隔咗幾個月,佢就完全懶理女友朱慧敏。

今日有周刊報道指,Eddie周日向周刊表示發誓除咗要應酬外,其餘時間都戒蒲、戒酒,聲稱同女方冇聯絡成個月,話大家想搵個方法冷靜吓,強調自己冇「出軌」。

據報道指,Eddie其實早就成功0氹掂34歲女友朱慧敏,女方仲向周刊表示,覺得夜蒲唔等於出軌,佢好相信男友,又話除非畀佢捉姦在床,否則佢對Eddie依然信任,仲讚男方係一個好人,一心決定一日未捉姦在床,睇朱慧敏明顯係「袋住先」。

該周刊仲話朱慧敏日前先講完將婚期延遲,估唔到過咗一個禮拜即心軟,據知朱慧敏會照原訂計劃結婚,一來唔想身處美國嘅屋企人擔心,二來早就受晒Eddie嘅肉麻情話,決定再畀機會男方。

鍾意就快D Share啦!