掃呢頁CODE去手機

2015年5月20日 星期三

減油鹽糖  E奶粱詠琪修身趕接戲 [FACE - 417] MF,



全知言

減油鹽糖  E奶粱詠琪修身趕接戲

點解嘅?咁靚嘅?點解梁詠琪個 B女 Sofia咁靚女,啱啱改好嘅中文名淑菲又咁好聽嘅?睇下產後首次出席活動嘅 GiGi咪知囉,媽咪靚個女自然靚,呢啲嘢邊有得解?

有人話佢要減肥復出,又有人話佢要追多個,全知言就向 GiGi求證過,靚媽好快就復出:「追多個都唔係近期嘅事,劇本就真係已經收咗好多個,但係我𠵱家仲餵緊人奶,一定要吸收夠澱粉質,所以惟有戒油鹽糖同食飯少啲汁,盡量減。我都想快啲修身,快啲揀好劇本開戲,但急唔嚟吖嘛!」係嘅係嘅,幾時復出都要睇大小姐 Sofia頭嘅!

產後兩個半月頭炮露面,上周四( 14日) GiGi出席西班牙品牌活動,仲有少少圓碌碌,上圍仲好豐滿。

之前拍《香港仔》要裝胸升 cup, GiGi生完之後,自然升咗 E奶

有老公錫又有老公養,不過 GiGi透露仲係好想拍戲,仲揀緊劇本添。

《蘋果日報》圖片

2月 28日出世,就快三個月大嘅 Sofia終於有中文名,叫祈蘇菲, GiGi就叫祈太。

網上圖片

鍾意就快D Share啦!